တောမြို့လေးက ယွီချန်းဆိုသူ ကလေးငယ်လေးတစ်ဦးဟာ ငယ်စဉ်ကတည်းက အာကာသ ဆိုင်ရာ စူးစမ်းလေ့လာရေးများကို စိတ်၀င်စားခဲ့သူဖြစ်ပါတယ်။ ငယ်စဉ်ကတည်းက အာကာသဆိုင်ရာ စူးစမ်း လေ့လာရေးကို စိတ်၀င်စားခဲ့တဲ့ယွီချန်းဟာ ဘွဲ့ရပြီးတဲ့နောက် အာကာသစူးစမ်းလေ့လာရေးလုပ်ငန်းခွင်မှာ အလုပ်လုပ်ခွင့်ရခဲ့ပါတယ်။ သူဟာ အာကာဆိုင်ရာစူးစမ်းလေ့လာရေးလုပ်ငန်းတွေဖြစ်တဲ့ လူလုပ်လဖန်တီးမှု၊ နေကနေ စွမ်းအင်ထုတ်လွှတ်မှု၊ အာကာသကို ဂြိုဟ်တုလွှတ်တင်မှု စတဲ့ အာကာသဆိုင်ရာလုပ်ငန်းများမှာ အားတက်သရောပါ၀င်နေသူ လူငယ်တစ်ဦးဖြစ်ပါတယ်။ သူ့မှာ ရှင်းယွဲ့ဆိုတဲ့ ချစ်သူတစ်ဦးရှိပြီး သူ့ရဲ့ ချစ်သူဟာလည်း သူ့လို အာကာသစူးစမ်းလေ့လာရေးလုပ်ငန်းမှာ ပါ၀င်နေသူတစ်ဦးဖြစ်ပါတယ်။ တစ်နေ့ ယွီချန်းရဲ့ ကြိုးစားဖန်တီးမှုတွေကို မြင်တွေ့သွားတဲ့ ရှင်းယွဲ့ရဲ့အဖေက သူူ့သမီးရဲ့ချစ်သူကို သူနဲ့လာတွေ့ဖို့ သူ့သမီးကို မှာလိုက်ပါတယ်။ ယွီချန်းဟာ အာကာသစူးစမ်းရေးလုပ်ငန်းများကို ဘက်ပေါင်းစုံကနေ ကြိုးစား လုပ်ဆောင်နေရင်း ရှင်းယွဲ့ရဲ့အဖေကို တစ်နေ့ သွားရောက်တွေ့ဆုံခဲ့ပါတယ်။ မြို့မျက်နှာဖုံး သူဌေးကြီး ရှင်းယွဲ့ အဖေက ယွီချန်းကို အာကာသစူးစမ်းလေ့လာရေး အလုပ်ကနေ ထွက်ခိုင်းရာကစပြီး ယွီချန်းဟာ အာကာသစူးစမ်းလေ့လာရေးအလုပ်ကို ဘယ်တော့မှ မစွန့်လွှတ်နိုင်ဘူးလို့ပြောခဲ့ပြီး ပြန်လာခဲ့ပါတော့တယ်။ အဲဒီနောက် ယွီချန်းနဲ့ ရှင်းယွဲ့တို့ဟာ အာကာသပေါ် သွားခွင့်ရမယ့် အာကာသယာဉ်မှူးလောင်း ၀င်ဖြေဖို့ လေ့ကျင့်မှုတွေကို အစွမ်းကုန် ကြိုးစားခဲ့ကြပါတယ်။ နောက်ဆုံးမှာ အာကာသယာဉ်မှူးလောင်းစာမေးပွဲကို ယွီချန်းနဲ့ရှင်းယွဲ့တို့ နှစ်ဦးလုံး အောင်မြင်ပါ့မလား။ သူတို့နှစ်ဦးရဲ့ အချစ်ရေးရော အဆင်ပြေမလား။ အာကာသစူးစမ်းလေ့လာရေးလုပ်ငန်းကိုလုပ်နေရင်း အာကာသယာဉ်မှူးလောင်းဖြစ်အောင် သူတို့ဘယ်လို ကြိုးစားကြရသလဲ။ တရုတ်နိုင်ငံရဲ့ အာကာသစူးစမ်းလေ့လာရေး လုပ်ငန်းစဉ်တွေရဲ့ ရည်ရွယ်ချက်တွေက ဘာတွေလဲ။ အာကာသစူးစမ်းလေ့လာရေးလုပ်ငန်းစဉ်တွေကို တရုတ်နိုင်ငံက ဘယ်လိုပုံစံမျိုး လုပ်ဆောင် နေသလဲဆိုတာတွေကို ဒီဇာတ်လမ်းထဲမှာ တွေ့မြင်သိရှိရမှာ ဖြစ်ပါတယ်။
