တရုတ် အကောက်ခွန်ရုံးချုပ်မှ ယခုလ ၉ရက်နေ့က ထုတ်ပြန်ခဲ့သော စာရင်းအရ ဧပြီလတွင် တရုတ်ပြည်၏ ပို့ကုန် ပမာဏမှာ ယွမ်ငွေ ဘီလီယံ ၂၀၂၀ရှိပြီး ယမန်နှစ် အလားတူ အချိန်ပိုင်းကထက် ၁၆.၈ရာခိုင်နှုန်း တိုးလာကြောင်း၊ အမေရိကန် ဒေါ်လာနှင့် တွက်လျှင် တိုးနှုန်းမှာ ၈.၅ရာခိုင်နှုန်း ရှိကြောင်း၊ ယခုနှစ် ဇန်နဝါရီလမှ ဧပြီလ အထိ တရုတ်ပြည်၏ သွင်းကုန်ပို့ကုန် စုစုပေါင်း ပမာဏမှာ ယွမ်ငွေ ဘီလီယံ ၁၃၃၂၀ရှိပြီး ယမန်နှစ် အလားတူ အချိန်ပိုင်းကထက် ၅့၈ ရာခိုင်နှုန်း တိုးလာကြောင်း သိရပါသည်။ တစ်ကမ္ဘာလုံးတွင် ဝယ်လိုအား အားနည်း နေသေးသော်လည်း တရုတ်ပြည်၏ ပို့ကုန်သည် “မမျှော်လင့်ဘဲ” ပိုမိုများပြားသည့် အားကောင်းသော တွန်းအားပေးမှုကို ပြသနေကြောင်း APသတင်းဌာနက ရေးသား ဖော်ပြထား ပါသည်။
ယခုနှစ် ဇန်နဝါရီလမှ ဧပြီလ အထိ တရုတ်ပြည်၏ နိုင်ငံခြား ကုန်သွယ်မှု စာရင်းကို ကြည့်လျှင် တရုတ်ပြည်၏ နိုင်ငံခြား ကုန်သွယ်မှု ဖွဲ့စည်းပုံသည် ဆက်တိုက် ကောင်းမွန်လာကြောင်း တွေ့ရပါသည်။ ဥပမာ ပြောရလျှင် မော်တော်ယာဉ်သည် ပို့ကုန် တိုးပွားစေရန်အတွက် အဓိက တွန်းအားပေးမှု ထပ်မံ ဖြစ်လာပါသည်။ ဈေးကွက် ပါဝင်ဆောင်ရွက်သူ ရှုထောင့်မှ ကြည့်လျှင် နိုင်ငံခြား ကုန်သွယ်မှုကို လုပ်ကိုင်ကြသော ပုဂ္ဂလိကပိုင် ကုမ္ပဏီများသည် အားကျဖွယ် ကောင်းလောက်အောင် အောင်မြင်မှုများ ရရှိခဲ့ပါသည်။ ဇန်နဝါရီလမှ ဧပြီလ အထိ တရုတ် ပုဂ္ဂလိကပိုင် ကုမ္ပဏီများ၏ သွင်းကုန်ပို့ကုန် တိုးနှုန်းမှာ ၁၅့၈ရာခိုင်နှုန်းရှိပြီး တရုတ်ပြည် နိုင်ငံခြား ကုန်သွယ်မှု စုစုပေါင်း ပမာဏ၏ ၅၂့၉ရာခိုင်နှုန်း ရှိပါသည်။
အဘယ်ကြောင့် တရုတ်ပြည် နိုင်ငံခြား ကုန်သွယ်မှုသည် ယင်းသို့ အားကောင်းသော တွန်းအားပေးမှု ရရှိ နေသနည်း။ အကြောင်းရင်း တစ်ခုက တရုတ် အစိုးရ အနေနှင့် အဆင့်မြင့်မားသော တံခါးဖွင့်မှုကို ဆက်တိုက် တွန်းအားပေးခြင်းနှင့် နိုင်ငံခြား ကုန်သွယ်မှု တည်ငြိမ်စေရေး ဆောင်ရွက်ချက်များကို အဆက်မပြတ် ထုတ်ပြန်ကျင့်သုံးခြင်းကြောင့် ဖြစ်ပါသည်။ နောက်တစ်ခု ကတော့ လုပ်ငန်း ကုမ္ပဏီများ၏ ကြိုးပမ်းဆောင်ရွက်မှုများ ကြောင့် ဖြစ်ပါသည်။ ပို့ကုန် လုပ်ငန်းကို လုပ်ကိုင်ဆောင်ရွက်နေ သော ကုမ္ပဏီများစွာသည် အာရုံစိုက်၍ သုတေသန ဖော်ထုတ်မှုနှင့် စီမံ ဆောင်ရွက် မှုကို ပြုလုပ်ကာ တမူ ထူးခြား သော ထုတ်ကုန်ပစ္စည်းဆိုင်ရာ အားသာချက်များကို ရရှိခဲ့ပါသည်။
တရုတ် ပြည်တွင်း ကုန်စည်ပြပွဲများ ပြန်လည်ကျင်းပပြီး ဝန်ထမ်းသွားလာမှု ပိုမို အဆင်ပြေလာကာ ကုန်သွယ်ရေး တီထွင်ဆန်းသစ်မှုများ ဆက်တိုက် နက်ရှိုင်းစွာ ပြုလုပ်လာသည်နှင့် အမျှ တရုတ်ပြည်၏ နိုင်ငံခြား ကုန်သွယ်ရေးတွင် ပိုမိုများပြားသော တွန်းအားပေးမှုများကို ဖော်ဆောင်ပေးပြီး ကမ္ဘာအား တရုတ် စီးပွားရေး အရှိန်မြင့် နာလန် ပြန်ထူလာနေသည့် အချက်ကို ပိုမိုအားကောင်းစွာ ပြသမည် ဖြစ်ပါသည်။
