တရုတ်နိုင်ငံ သမ္မတ ရှီကျင့်ဖိန်၏ ရုရှားနိုင်ငံ ခရီးစဉ်တွင် ဘယ်လို အရေးကြီး အောင်မြင်မှု ရလဒ်များ ရရှိသနည်း။ သိလိုပါက အောက်ပါ အချက်များကို ကြည့်ကြပါစို့။
၁။ ယခုအကြိမ် ခရီးစဉ်၏ အစီအစဉ်များ
၂၀ ရက်နေ့ညက သမ္မတ ပူတင်နှင့် တွေ့ဆုံ ခဲ့ပြီးနောက် ၂၁ ရက်နေ့ညနေပိုင်းတွင် ရှီကျင့်ဖိန်က ကရင်မလင် နန်းတော်သို့ နောက်ထပ်တစ်ကြိမ်သွားရောက်ခဲ့ပါသည်။
ကရင်မလင်နန်းတော်တွင် ပူတင်သည် ရှီကျင့်ဖိန်အား ကြိုဆိုပွဲ အခမ်းအနားကို ခမ်းနားသိုက်မြိုက်စွာ ပြုလုပ်ခဲ့ပါသည်။
ညနေမှ ညချိန်အထိ နှစ်နိုင်ငံ ခေါင်းဆောင်များသည် အမျိုးမျိုးသော တွေ့ဆုံ ဆွေးနွေးပွဲများကို ပြုလုပ်ခဲ့ကြပါသည်။ နှစ်နိုင်ငံ ခေါင်းဆောင်တို့က အရေးကြီးသည့် ပူးတွဲကြေညာချက် နှစ်ရပ်ကို ထုတ်ပြန်ခဲ့ပြီး ပူးတွဲသတင်းစာ ရှင်းလင်းပွဲကိုလည်း ပြုလုပ်ခဲ့ကြပါသည်။
ယင်းနေ့ နံနက်ပိုင်းက ကရင်မလင် နန်းတော် မသွားခင် ရှီကျင့်ဖိန်သည် ရုရှား ဝန်ကြီးချုပ်နှင့် တွေ့ဆုံခဲ့ပါသည်။
၂။ ချစ်ကြည်ရေး ခရီးစဉ်
၂၁ ရက်နေ့မှာ ပူတင်နှင့် တွေ့ဆုံရာတွင် ရှီကျင့်ဖိန်က ယခုအကြိမ် ရုရှား ခရီးစဉ်သည် ချစ်ကြည်ရေး ခရီးစဉ်၊ ပူးပေါင်းဆောင်ရွက်ရေး ခရီးစဉ်၊ ငြိမ်းချမ်းရေး ခရီးစဉ် ဖြစ်သည်ဟု ပြောပါသည်။
နှစ်နိုင်ငံ ခေါင်းဆောင်တို့သည် ချစ်ခင်ရင်းနှီးစွာ တွေ့ဆုံဆွေးနွေးပြီး အရေးကြီး သဘောတူညီမှုအသစ် အများအပြားကို ရရှိခဲ့ကြပါသည်။
ပူတင်နှင့် တွေ့ဆုံရာတွင် ရှီကျင့်ဖိန်က ခရီးစဉ်အတွင်း မိမိတို့၏ ယာဉ်တန်း ဖြတ်သန်းရာနေရာတွင် ရုရှားပြည်သူများစွာတို့က လက်ဝှေ့ယမ်း နှုတ်ဆက်ကြပြီး တရုတ်နှင့် ရုရှားဆက်ဆံမှုသည် နက်ရှိုင်းသော ပြည်သူ့ဆန္ဒ အခြေခံ ရှိခြင်းကို မိမိ ခံစားရသည်ဟု ပြောခဲ့ပါသည်။
၃။ ပူးပေါင်းဆောင်ရွက်ရေး ခရီးစဉ်
၂၁ ရက်နေ့တွင် နှစ်နိုင်ငံ ခေါင်းဆောင်တို့ ချုပ်ဆိုခဲ့သည့် နှစ်နိုင်ငံ ခေတ်သစ် ဘက်စုံ မဟာဗျူဟာမြောက် မိတ်ဖက် ဆက်ဆံမှုဆိုင်ရာ ပူးတွဲ ကြေညာချက်တွင် နှစ်နိုင်ငံ ပြည်သူများ ဘိုးစဉ်မြေးဆက် ချစ်ကြည်ရေးသည် ခိုင်ခံ့သော အခြေခံ ရှိပြီး နှစ်နိုင်ငံ ကဏ္ဍစုံ ပူးပေါင်းဆောင်ရွက်ရေး အလားအလာ ကောင်းမွန်ကြောင်း ဖော်ပြထားပါသည်။
၎။ ငြိမ်းချမ်းရေး ခရီးစဉ်
၂၁ ရက်နေ့တွင် နှစ်နိုင်ငံခေါင်းဆောင်တို့သည် ပူးတွဲ ကြေညာချက် ထုတ်ပြန်ပြီး ယူကရိန်း အကျပ်အတည်းကို ငြိမ်းချမ်းရေး စေ့စပ်ဆွေးနွေးပွဲ နည်းလမ်းဖြင့် ဖြေရှင်းရန် အလေးအနက် ဖော်ပြထားပါသည်။
