တရုတ်နှင့် ရုရှား ဆက်ဆံရေးသည် နိုင်ငံချင်း ဆက်ဆံရေး လမ်းကြောင်းမှန်ကို သရုပ်ပြနေ

(GMT+08:00)2023-03-21 10:36:53  

တရုတ်နိုင်ငံ သမ္မတ ရှီကျင့်ဖိန်သည် ရုရှားနိုင်ငံ၌ တရားဝင် ခရီးစတင်လှည့်လည် နေပါသည်။ ယင်းမတိုင်မီက ရှီကျင့်ဖိန်သည် ရုရှား မီဒီယာများတွင် ဆောင်းပါး တစ်ပုဒ် ထုတ်ပြန်ခဲ့ပြီး နှစ်နိုင်ငံ ဆက်ဆံမှုသည် နိုင်ငံတကာ အခြေအနေ ပြောင်းလဲမှုများ၏ စမ်းသပ်မှုကို ခံနိုင်ခဲ့သည့် သော့ချက်ကျရာမှာ နိုင်ငံချင်း ဆက်ဆံရေး လမ်းကြောင်းမှန်ကို ရှာတွေ့နိုင်ခဲ့ခြင်းပင် ဖြစ်သည်ဟု ဖေါ်ပြထားပါသည်။

ယခုအကြိမ် ခရီးစဉ်သည် ရှီကျင့်ဖိန် တရုတ်နိုင်ငံ သမ္မတ အဖြစ် ဆက်လက် ရွေးချယ်တင်မြှောက် ခံရပြီးနောက် ပထမဆုံးအကြိမ်အဖြစ်သွားရောက်သည့် နိုင်ငံခြား ခရီးစဉ် ဖြစ်ပါသည်။ ယင်းသည် တရုတ်နိုင်ငံက တရုတ်နှင့် ရုရှားအကြား ခေတ်သစ်တွင် ဘက်စုံ မဟာဗျူဟာမြောက် မိတ်ဖက် ဆက်ဆံမှု အပေါ် မြင့်မားစွာ သဘောထားနေခြင်းကို ပြသပါသည်။ တရုတ်နှင့် ရုရှား ဆက်ဆံမှု ပိုမို ရင့်ကျက် ခိုင်ခံ့လာခြင်းသည် ကမ္ဘာ့ ငြိမ်းချမ်း တည်ငြိမ်မှု ထိန်းသိမ်းကာကွယ်ရေး အတွက် အကျိုးရှိသည်ဟု စောင့်ကြည့်လေ့လာ သူများက သုံးသပ်ထားကြပါသည်။

ထိပ်သီးခေါင်းဆောင်များ ကူးလူးဆက်ဆံရေးသည် တရုတ်နှင့် ရုရှား ဆက်ဆံရေး အတွက် ဦးတည်ချက်ကို ပြသထားပါသည်။ ယခုနှစ်များတွင် နိုင်ငံတကာ အခြေအနေ မည်သို့ပင် ပြောင်းလဲ ပြောင်းလဲ တရုတ်နှင့် ရုရှား နှစ်နိုင်ငံ ထိပ်သီးခေါင်းဆောင်တို့သည် တစ်လျှောက်လုံး ဆိုသလို ရင်းနှီးစွာ ကူးလူးဆက်ဆံပြီး အချိန်မှန် အပြန်အလှန် ခရီး လှည့်လည်ခဲ့ကြပါသည်။ နှစ်နိုင်ငံ ထိပ်သီးခေါင်းဆောင်များမှ သတ်မှတ်ထားသော မဟာဗျူဟာအရ နှစ်ဖက် အကြား နိုင်ငံရေးအရ အပြန်အလှန် ယုံကြည်မှုသည် အဆက်မပြတ် နက်ရှိုင်းလာပြီး လက်တွေ့ကျသော ပူးပေါင်းဆောင်ရွက်မှုများ ဆက်တိုက် တိုးချဲ့လာခဲ့ပါသည်။ နှစ်နိုင်ငံစလုံးသည် လွတ်လပ်ပြီး ကိုယ်ပိုင်ဆုံးဖြတ်သော နိုင်ငံခြားရေး မူဝါဒကို ကျင့်သုံးပြီး နှစ်ဖက် ဆက်ဆံရေးသည် ဘက်မလိုက်ခြင်း၊ ထိပ်တိုက်ရင်ဆိုင်မှု မပြုလုပ်ခြင်း၊ တတိယဘက်အား ရည်ညွှန်းမှု မရှိခြင်းတို့ အပါအဝင် အခြေခံပေါ်တွင် မူတည် ထားကာ နှစ်ဖက် ပူးပေါင်းဆောင်ရွက်မှုသည် တတိယဘက်မှ အနှောင့်အယှက် ပြုမှုကို မခံပေ။ တရုတ်နှင့် ရုရှား ဆက်ဆံမှုသည် ပိုမို ရင့်ကျက် ခိုင်ခံ့လာအောင် တိုးတက်လာပြီး အပြန်အလှန် လေးစားသသည့်၊ ငြိမ်းချမ်းစွာ အတူယှဉ်တွဲ နေထိုင်သည့်၊ အပြန်အလှန် အကျိုးရှိစွာ ပူးပေါင်းဆောင်ရွက်သည့် အမျိုးအစားသစ် နိုင်ငံကြီး အကြား ဆက်ဆံရေး၏ စံနမူနာကောင်း ဖြစ်လာပါသည်။ ယင်းသည် နိုင်ငံကြီး အချင်းချင်း ဆက်ဆံရေး၏ လမ်းကြောင်းမှန်ကို လက်တွေ့ကျကျ သရုပ်ဖေါ်ထားသည်ဟု China Media Group မှ သတင်း ဆောင်းပါး တစ်ပုဒ်မှာ ရေးသားဖေါ်ပြထားပါသည်။