၁၄ကြိမ်မြောက် တရုတ်ပြည်လုံးဆိုင်ရာ ပြည်သူ့ကွန်ဂရက် ပထမအကြိမ် အစည်းအဝေးကို ၁၃ရက်နေ့က ဘေကျင်းမြို့ရှိ ပြည်သူ့ခန်းမဆောင်ကြီး၌ ကျင်းပပြီးစီးခဲ့ပါသည်။ တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူး၊ နိုင်ငံတော်သမ္မတ၊ ဗဟိုစစ်ရေးကော်မရှင် ဥက္ကဋ္ဌ ရှီကျင့်ဖိန်က တရုတ်နိုင်ငံသည် အင်အားတောင့်တင်းခိုင်မာသောနိုင်ငံထူထောင်ရေးကို တွန်းအားပေးရန်အတွက် တရုတ်ကွန်မြူနစ်ပါတီ၏ထူထောင်မှုကို ထိရောက်စွာ အားဖြည့်ဆောင်ရွက်ရပြီး ပါတီကိုဘက်ပေါင်းစုံမှတင်းကြပ်စွာစီမံအုပ်ချုပ်မှု စဉ်ဆက်မပြတ် ဆောင်ရွက်ရကာ အဂတိလိုက်စားမှုကို ပြတ်သားစွာ ဆန့်ကျင်ရကြောင်း ပိတ်ပွဲအခမ်းအနား မိန့်ခွန်းတွင် ပြောကြားခဲ့ပါသည်။
ရှီကျင့်ဖိန်က တရုတ်ကွန်မြူနစ်ပါတီအနေနှင့် ပါတီကြီး၏ ထူးခြားသော အခက်အခဲများကို ဖြေရှင်းရန် ကြည်လင်နိုးကြားမှုနှင့်ပြတ်သားမှုကို အမြဲတမ်းထိန်းထားရ ကြောင်း၊ ကိုယ့်ကိုယ်ကို တော်လှန်ရေးသတ္တိဖြင့် ရဲရဲဝံ့ဝံ့ဆောင်ရွက်ရကြောင်း၊ ပါတီ၏ စည်းလုံးညီညွတ်ရေးကို အမြဲထိန်းထားရကြောင်း၊ ပါတီ၏မူရင်း အရည်အသွေး ပြောင်းလဲမသွားအောင် ထိန်းသိမ်းရကြောင်း၊ အင်အားတောင့်တင်းခိုင်မာသောနိုင်ငံ ထူထောင်ရေးနှင့် တရုတ်အမျိုးသားပြန်လည်ရှင်သန်နိုးထရေးအတွက် အခြေခံ အုတ်မြစ်ချ ပေးရကြောင်း ပြောကြားခဲ့ပါသည်။
