တရုတ် ကွန်မြူနစ်ပါတီ ဗဟိုကော်မတီနှင့် နိုင်ငံတော်ကောင်စီသည် ယခုလ ၂၀ရက်နေ့ နံနက်ပိုင်းက ပီကင်း ပြည်သူ့ ခန်းမဆောင်ကြီးတွင် ၂၀၂၃ခုနှစ် နွေဦးပွဲတော် စုပေါင်းကန်တော့ပွဲကို ကျင်းပခဲ့ကြောင်း၊ တရုတ် ကွန်မြူနစ်ပါတီ ဗဟိုကော်မတီ အထွေထွေ အတွင်းရေးမှူး၊ နိုင်ငံတော် သမ္မတ၊ ဗဟိုစစ်ရေး ကော်မရှင် ဥက္ကဋ္ဌ ရှီကျင့်ဖိန်သည် မိန့်ခွန်းပြောကြားရာတွင် တရုတ် ကွန်မြူနစ်ပါတီ ဗဟိုကော်မတီနှင့် နိုင်ငံတော် ကောင်စီ ကိုယ်စား တစ်ပြည်လုံး တိုင်းရင်းသား လူမျိုးစု ပြည်သူများ၊ ဟောင်ကောင် အထူး အုပ်ချုပ်ရေး ဒေသ မွေးချင်းပေါက်ဖော်များ၊ မကာအို အထူး အုပ်ချုပ်ရေး ဒေသ မွေးချင်းပေါက်ဖော်များ၊ ထိုင်ဝမ် မွေးချင်းပေါက်ဖော်များနှင့် ပင်လယ်ရပ်ခြားရောက် တရုတ် အမျိုးသား သွေးချင်း သားချင်းများအား နှစ်သစ် နှုတ်ခွန်းဆက် ဆုမွန်ကောင်းတောင်းသည်ဟု ပြောကြားကြောင်း ဆင်ဟွာ သတင်းအရ သိရပါ သည်။
ရှီကျင့်ဖိန်က ကုန်ဆုံးတော့မယ့် ကျားနှစ်သည် ပါတီနှင့် နိုင်ငံတော် ဖွံ့ဖြိုးတိုးတက်ရေး သမိုင်းတွင် အလွန် အရေးကြီးသည့် နှစ်တစ်နှစ် ဖြစ်ကြောင်း၊ အလွန် ခက်ခဲသော နိုင်ငံတကာ အခြေအနေကို ရင်ဆိုင်ရာတွင်နှင့် ခက်ခဲကြီးလေးသည့် ပြည်တွင်း ပြုပြင်ပြောင်းလဲမှု၊ ဖွံ့ဖြိုးတိုးတက်မှုနှင့် တည်ငြိမ်စေရေး လုပ်ငန်းတာဝန်ကို ဆောင်ရွက်ရာတွင် ပါတီ တစ်ရပ်လုံး၊ တပ်မတော် တစ်ခုလုံးနှင့် တစ်ပြည်လုံး တိုင်းရင်းသား လူမျိုးစု ပြည်သူများသည် အခက်အခဲများကို ကျော်လွှားပြီး စည်းလုံးညီညွတ်ကာ အားထုတ်ကြိုးပမ်း၍ ဆိုရှယ်လစ် ခေတ်မီရေး တည်ဆောက်မှု အခန်းကဏ္ဍသစ်ကို ဖွင့်လှစ်ခဲ့ကြကြောင်း အလေးထား ပြောကြားသည်။
ထို့အပြင်၊ ရှီကျင့်ဖိန်က ၂၀၂၃ခုနှစ်သည် အကြိမ် ၂၀မြောက် တရုတ် ကွန်မြူနစ်ပါတီ ပြည်လုံးဆိုင်ရာ ကိုယ်စားလှယ်များ ညီလာခံ၏ အနှစ်သာရကို ဘက်စုံ စတင် ကျင့်သုံးဆောင်ရွက်သည့် နှစ်ဖြစ်ပြီး မျှော်လင့်ချက်ရှိသလို စိန်ခေါ်မှုလည်း ရှိကြောင်း၊ မိမိတို့သည် တည်ငြိမ်စေရေးကို ထိပ်ဆုံးနေရာတွင် ထားရှိပြီး ခြေလှမ်းမှန်မှန်ဖြင့် ဖွံ့ဖြိုးတိုးတက်ရန် ဆောင်ရွက်ရမည် ဖြစ်ကြောင်း၊ ပြည်တွင်း အခြေအနေနှင့် ပြည်ပ အခြေအနေကို ထည့်သွင်းစဉ်းစားပြီး ဘက်ပေါင်းစုံကနေ ပိုမိုကောင်းမွန်စွာ စီမံခန့်ခွဲရမည် ဖြစ်ကြောင်း၊ ကပ်ရောဂါ ကာကွယ်ထိန်းချုပ်ရေးနှင့် စီးပွားရေး၊ လူမှုရေး ဖွံ့ဖြိုးတိုးတက်မှုကို ထည့်သွင်းစဉ်းစားပြီး ဘက်ပေါင်းစုံကနေ ပိုမိုကောင်းမွန်စွာ စီမံခန့်ခွဲရမည် ဖြစ်ကြောင်း၊ ဖွံ့ဖြိုးတိုးတက်ရေးနှင့် လုံခြုံရေးကို ထည့်သွင်းစဉ်းစားပြီး ဘက်ပေါင်းစုံကနေ ပိုမိုကောင်းမွန်စွာ စီမံခန့်ခွဲရမည် ဖြစ်ကြောင်း၊ ပြုပြင်ပြောင်းလဲမှုနှင့် တံခါးဖွင့်မှုကို ဘက်စုံနက်ရှိုင်းစေပြီး စီးပွားရေး လည်ပတ်မှု ပြန်လည် ကောင်းမွန်စေရန် အားထုတ်ကြိုးပမ်းကာ ပြည်သူများ၏ နေထိုင်မှု ဘဝ ဆက်တိုက် ကောင်းမွန်လာစေရန် တွန်းအားပေးရမည် ဖြစ်ကြောင်း၊ မိမိတို့သည် ယုံကြည်မှုကို ခိုင်မာစေပြီး စိတ်ဓာတ်ကြံ့ခိုင်စွာ အားထုတ်ကြိုးပမ်းလျှင် ခရီးစဉ်သစ် အတွက် ကောင်းမွန်သော အစပျိုးခြင်းကို သေချာပေါက် အကောင်အထည်ဖော်ဆောင်နိုင်မည် ဖြစ်ကြောင်းလည်း ပြောကြားသည်။
