တရုတ် အမျိုးသား စာရင်းအင်းဌာနမှ ယခုလ ၁၇ရက်နေ့က ၂၀၂၂ခုနှစ် အမျိုးသား စီးပွားရေး စာရင်းကို ထုတ်ပြန်ခဲ့ရာ ပဏာမ တွက်ချက်မှုအရ ယမန်နှစ် တရုတ်ပြည်တွင်း ထုတ်လုပ်မှု စုစုပေါင်း ပမာဏမှာ ယွမ်ငွေ ၁၂၁.၀၂၀၇ ထရီလီယံရှိကြောင်း သိရပါသည်။
ပထဝီဝင် နိုင်ငံရေး အခြေအနေ မတည်မငြိမ် ဖြစ်မှု၊ ကမ္ဘာ့ စီးပွားရေး ကျဆင်းမှု အန္တရာယ် တိုးလာခြင်း၊ ပြည်တွင်း ကပ်ရောဂါ အခြေအနေစသည့် အကြောင်းရင်းများရှိသော်လည်း တရုတ် စီးပွားရေးသည် ဖိအားဒဏ်ကို ခံနိုင်ရည်ရှိပြီး ပြည်တွင်း ထုတ်လုပ်မှု စုစုပေါင်း ပမာဏ စံချိန်သစ် ထပ်မံ တင်နိုင်ခဲ့ခြင်းမှာ မလွယ်ကူလှပေ။ ၂၀၂၂ခုနှစ် တရုတ်ပြည်၏ စီးပွားရေး တိုးနှုန်း ၃ရာခိုင်နှုန်း ရှိခြင်းသည် ကမ္ဘာပေါ်က အဓိက စီးပွားရေး အုပ်စု များစွာထက် ပိုမြင့်ပြီး တရုတ် စီးပွားရေး၏ အားကောင်းသော ရေရှည်ခံနိုင်ရည်နှင့် ပြည့်ဖြိုးသည့် ရှင်သန်မှုရှိခြင်းကို ပြဆိုနေပါသည်။
ခြုံငုံကြည့်မည်ဆိုလျှင် ၂၀၂၂ခုနှစ်တွင် တရုတ် စီးပွားရေးသည် ခြေလှမ်းမှန်မှန်ဖြင့် ဖွံ့ဖြိုးတိုးတက်လာခဲ့ပါသည်။ တစ်ဖက်က ပမာဏ မျှတစွာ တိုးလာသည့် အခြေခံပေါ်တွင် အလုပ်အကိုင်နေရာ ချထားရေးနှင့် ကုန်ဈေးနှုန်း၏ တည်ငြိမ်မှုကို ထိန်းသိမ်းထားနိုင်ခဲ့ပါသည်။ နောက်တစ်ဖက် ကတော့ တရုတ်ပြည်၏ အရည်အသွေးမြင့်မားသည့် ဖွံ့ဖြိုးတိုးတက်မှုကို တွန်းအားပေးသည့် ခြေလှမ်းသည် မရပ်တန့်ဘဲ ရှေ့သို့ အမြဲလျှောက်လှမ်းနေပါသည်။ ဆန်းသစ်တီထွင်ရေး တွန်းအားပေးမှုသည် အဆက်မပြတ် စုစည်းပြီး တရုတ် စီးပွားရေး အရည်အသွေးမြင့်မားစွာ ဖွံ့ဖြိုးတိုးတက်မှုနှင့် ဖွံ့ဖြိုးတိုးတက်မှု စနစ်သစ် တည်ဆောက်ခြင်းကို ဆက်တိုက်အထောက်အကူ ပြုနေပါသည်။ တရုတ်ပြည်၏ ကပ်ရောဂါ ကာကွယ်ထိန်းချုပ်ရေး အဆင့်ကာလသစ်သို့ ဝင်ရောက်လာသည်နှင့် အမျှ ပိုမိုများပြားသည့် စီးပွားရေး ရှင်သန်မှု ပေါ်လွင်လာပါသည်။
နှစ်သစ်တွင် နိုင်ငံတကာ အခြေအနေ ရှုတ်ထွေးပွေလီစွာ ပြောင်းလဲနေသေးပြီး ကမ္ဘာ့ စီးပွားရေး ဖွံ့ဖြိုးတိုးတက်ရန် တွန်းအားချို့တဲ့ကာ ပြည်တွင်း စီးပွားရေး နာလန်ပြန်ထူသည့် အခြေခံ အုတ်မြစ် မခိုင်မာနေသေး သော်လည်း တရုတ်ပြည်သည် ရေရှည် စုဆောင်းထားသည့် ကြွယ်ဝသော ဥစ္စာပစ္စည်း ဆိုင်ရာ အခြေခံ အုတ်မြစ်၊ အတိုင်းအတာ အလွန်ကြီးမားသည့် ဈေးကွက် ဆိုင်ရာ အားသာချက်၊ ပြုပြင်ပြောင်းလဲမှုနှင့် တံခါးဖွင့်မှု ဇောက်ချပြုလုပ်ခြင်းကြောင့် ဆက်တိုက်ဆောင်ကြဉ်းလာသော အကျိုးများနှင့် ရရှိခဲ့သော မက္ကရို ထိန်းညှိရေးနှင့် ထိန်းချုပ်ရေး အတွေ့အကြုံများဖြင့် ယခုနှစ်တွင် တရုတ် စီးပွားရေး တစ်ခုလုံး ပြန်လည်ကောင်းမွန်လာစေရန် ယုံကြည်မှု ရှိပါသည်။ နာမည်ကျော်ကြားသည့် နိုင်ငံတကာ လုပ်ငန်းရှင်နှင့် ရင်းနှီးမြှုပ်နှံသူ Lars Tvedeက မကြာခင်က အင်တာဗျူးကို ဖြေကြားရာတွင် တရုတ်ပြည်သည် ကမ္ဘာပေါ်တွင် အကြီးဆုံး ဖွံ့ဖြိုးတိုးတက်မှု ဖြစ်ပုံ(story) ဖြစ်နေသေးကြောင်း ပြောကြားပါသည်။
