နိုဝင်ဘာလ ၂၈ ရက်နေ့ ညနေပိုင်းမှာ တရုတ်နိုင်ငံ သမ္မတ ရှီကျင့်ဖိန်က တရုတ်နိုင်ငံသို့ လာရောက် ခရီးလှည့်လည်တဲ့ မွန်ဂိုးလီးယား သမ္မတ ဟူရ်လီ စူဟ်နဲ့ တွေ့ဆုံ ဆွေးနွေးပွဲ ပြုလုပ်ခဲ့ပါတယ်။ နှစ်ဦးနှစ်ဖက်တို့က ခေတ်မီရေး တည်ဆောက်မှုကို လက်တွဲ တွန်းအားပေးဖို့ သဘောတူကြပြီး ခေတ်သစ်မှာ တရုတ်နဲ့ မွန်ဂိုးလီးယား ကံကြမ္မာတူ အသိုက်အဝန်း လက်တွဲ တည်ဆောက်ရေးနဲ့ ပတ်သက်ပြီး အရေးကြီး သဘောတူညီမှု ရရှိ ခဲ့ကြပါတယ်။
တရုတ်နိုင်ငံဟာ ၁၈ နှစ် ဆက်တိုက် မွန်ဂိုးလီးယားနိုင်ငံမှာ ရင်းနှီးမြှုပ်နှံမှု အများဆုံးသော နိုင်ငံနဲ့ အကြီးဆုံး ကုန်သွယ်ရေးမိတ်ဖက်နိုင်ငံ ဖြစ်ပါတယ်။ တရုတ်နဲ့ မွန်ဂိုးလီးယား ကုန်သွယ်မှု စုစုပေါင်းပမာဏဟာ မွန်ဂိုးလီးယားရဲ့ နိုင်ငံခြား ကုန်သွယ်မှု စုစုပေါင်းပမာဏရဲ့ ၆၀ ရာခိုင်နှုန်းကျော် ရှိပါတယ်။ ၂၀၂၁ ခုနှစ်မှာ တရုတ်နဲ့ မွန်ဂိုးလီးယား ကုန်သွယ်မှုပမာဏဟာ ပထမဆုံးအကြိမ်အဖြစ် အမေရိကန်ဒေါ်လာ ၁၀ ဘီလီယံကျော် ရှိခဲ့ပါတယ်။
ဒီအကြိမ် တွေ့ဆုံဆွေးနွေးပွဲမှာ ရှီကျင့်ဖိန်က နှစ်ဖက်တို့ဟာ “Belt and Road” အဆိုပြုချက်နဲ့ မွန်ဂိုးလီးယားရဲ့ “မြက်ခင်းပြင်လမ်းကြောင်း” အဆိုပြုချက်၊ တစ်ကမ္ဘာလုံး ဖွံ့ဖြိုးတိုးတက်ရေး အဆိုပြုချက်နဲ့ မွန်ဂိုးလီးယားရဲ့ “ရှင်သန်ရေးမူဝါဒသစ်” ၊ တရုတ်နိုင်ငံရဲ့ “ခြေလှမ်း နှစ်လှမ်း” ဖွံ့ဖြိုးရေး ရည်မှန်းချက်နဲ့ မွန်ဂိုးလီးယားရဲ့ “မျှော်မှန်းချက် ၂၀၅၀” ရေရှည် ဖွံ့ဖြိုးရေး မူဝါဒများ ချိတ်ဆက်မှုကို တွန်းအားပေးရမယ်လို့ ပြောကြားခဲ့ပါတယ်။ အဲဒါတွေဟာ မဟာဗျူဟာ ရှုထောင့်မှနေ နှစ်နိုင်ငံ စီးပွားရေး တိုးတက်မှုနဲ့ ပြည်သူလူထု နေထိုင်မှုဘဝ တိုးတက်မှုကို ဆက်တိုက် အားသစ်လောင်းပေးမှာ ဖြစ်ပါတယ်။
အိမ်နီးချင်းကောင်း၊ မိတ်ဆွေကောင်းနဲ့ မိတ်ဖက်ကောင်း ဖြစ်တဲ့ တရုတ်နဲ့ မွန်ဂိုးလီးယားနိုင်ငံတို့ဟာ ခေတ်မီရေး တည်ဆောက်မှု လမ်းကြောင်းပေါ်မှာ လက်တွဲ ချီတက်ပြီး ခေတ်သစ်မှာ အတူ ဖွံ့ဖြိုးရေးနဲ့ အတူ စည်ပင်သာယာရေးကို ဖေါ်ဆောင်သွားမှာ ဖြစ်ကြောင်း China Media Group မှ သတင်း ဆောင်းပါး တစ်ပုဒ်မှာ ရေးသား ဖေါ်ပြ ထားပါတယ်။
