ယခုလ ၂ ရက်နေ့တွင် တရုတ်နိုင်ငံသမ္မတရှီကျင့်ဖိန်သည် တရုတ်နိုင်ငံသို့ တရားဝင် အလည်အပတ်ရောက်ရှိနေသော ပါကစ္စတန်ဝန်ကြီးချုပ် ရှာဘတ်ဇ်နှင့် တွေ့ဆုံစဉ် တရုတ်နိုင်ငံအနေနှင့် ပါကစ္စတန်နှင့် ဘက်စုံမဟာဗျူဟာ ပူးပေါင်းဆောင်ရွက်ရေးအဆင့်ကို မြှင့်တင်ပြီး ခေတ်သစ်တွင် ပိုမိုနီးကပ်သော တရုတ်-ပါကစ္စတန် ကံကြမ္မာတူ အသိုက်အဝန်းကို လျင်မြန်စွာ တည်ဆောက်ကာ တရုတ်-ပါကစ္စတန် all-weather မဟာဗျူဟာမြောက် ပူးပေါင်းဆောင်ရွက်ရေး မိတ်ဖက်ဆက်ဆံရေးအတွက် တွန်းအားသစ် ထည့်သွင်းလိုကြောင်း ပြောကြားခဲ့သည်။ ရှာဘတ်ဇ်က ပါကစ္စတန်-တရုတ် all-weather မဟာဗျူဟာမြောက် ပူးပေါင်းဆောင်ရွက်မှု မိတ်ဖက်ဆက်ဆံရေးကို နက်ရှိုင်းစေခြင်းသည် ပါကစ္စတန် နိုင်ငံခြားရေးမူဝါဒ၏ အုတ်မြစ်ဖြစ်ပြီး အလွှာပေါင်းစုံတို့၏ သဘောတူညီမှုလည်း ဖြစ်ကြောင်း ပြောကြားခဲ့သည်။
လက်ရှိတွင် တရုတ်-ပါကစ္စတန် စီးပွားရေးစင်္ကြံ၏ စုစုပေါင်းရင်းနှီးမြှုပ်နှံမှုသည် အမေရိကန်ဒေါ်လာ ၂၅ ဘီလီယံကျော်ရှိပြီး ပါကစ္စတန်အတွက် တိုက်ရိုက် အလုပ်အကိုင် ၁သိန်း၅သောင်း ဖန်တီးပေးထားသည်။ အခြေခံအဆောက်အအုံ ရင်းနှီးမြှုပ်နှံမှုမှ ဆောင်ကြဉ်းလာသော သိသာထင်ရှားသည့် GDP တိုးတက်မှုသည် ၂၀၃၀ ပြည့်နှစ် မတိုင်မီ ပါကစ္စတန်နိုင်ငံသား ၁.၁ သန်းအား အလွန်အမင်း ဆင်းရဲနွမ်းပါးမှုမှ လွတ်မြောက် စေနိုင်လိမ့်မည်ဖြစ်ကြောင်း ပါကစ္စတန် တောင်အာရှနှင့် နိုင်ငံတကာလေ့လာရေးဌာနမှ ဥက္ကဋ္ဌမာဟ်မူးဒ်၏ ခန့်မှန်းချက်အရ သိရသည်။
အစဉ်အလာချစ်ကြည်ရင်းနှီးမှုကို ခိုင်မာစေခြင်း၊ ပူးပေါင်းဆောင်ရွက်မှုအဆင့်ကို မြှင့်တင်ခြင်းနှင့် တွန်းအားသစ်များ ဖန်တီးခြင်းဖြင့် တရုတ်နှင့် ပါကစ္စတန်တို့သည် ပိုမို တောက်ပသောအနာဂတ်ကို ဖော်ဆောင်ပေးမည်မှာ သေချာပါသည်။ ခေတ်သစ်တွင် ပိုမိုနီးကပ်သော တရုတ်-ပါကစ္စတန် ကံကြမ္မာတူအသိုက်အဝန်းသည် ကမ္ဘာ့ငြိမ်းချမ်းရေး၊ တည်ငြိမ်ရေးနှင့် ဘုံသာယာဝပြောရေးတို့အတွက် ပိုမိုများပြားသော အကျိုးဆောင်မှု ပြုလုပ်မည်မှာ သေချာကြောင်း China Media Group မှ သတင်းဆောင်းပါးတစ်ပုဒ်တွင် ရေးသား ဖေါ်ပြထားပါသည်။
