တရုတ်ကွန်မြူနစ်ပါတီဗဟိုကော်မတီ ပြန်ကြားရေးဝန်ကြီးဌာန ဒုဝန်ကြီး စွန်ယဲ့လီက တရုတ်နိုင်ငံသည် အခြားနိုင်ငံများ၏ပုံစံကို တင်သွင်းမည် မဟုတ်သကဲ့သို့ အခြားနိုင်ငံများက ၎င်းတို့၏ကိုယ်ပိုင်ပုံစံကို တရုတ်နိုင်ငံသို့တင်ပို့ခြင်းအား ပြတ်ပြတ်သားသားဆန့်ကျင်ကြောင်း၊ မိမိတို့သည် တရုတ်ပုံစံကို တင်ပို့မည် မဟုတ်ကြောင်း၊ တရုတ်နိုင်ငံ၏ လုပ်ထုံးလုပ်နည်းကိုကော်ပီကူးယူရန် အခြားနိုင်ငံများကိုလည်း တောင်းဆိုမည် မဟုတ်ကြောင်း ၂၄ရက်နေ့က တရုတ်ကွန်မြူနစ်ပါတီဗဟိုကော်မတီ၏ ကွန်မြူနစ်ပါတီ အကြိမ်(၂၀)မြောက် ပြည်လုံးဆိုင်ရာကိုယ်စားလှယ်များညီလာခံ အစီရင်ခံစာဆိုင်ရာ သတင်းစာရှင်းလင်းပွဲတွင် ပြောကြားခဲ့သည်။
စွန်ယဲ့လီက "တရုတ်ပုံစံ ခေတ်မီရေး" သည် လူဦးရေများပြားသော ခေတ်မီရေး၊ ပြည်သူတစ်ရပ်လုံး အတူကြွယ်ဝ ချမ်းသာသည့် ခေတ်မီရေး၊ ရုပ်ပိုင်းယဉ်ကျေးမှုနှင့် စိတ်ပိုင်းယဉ်ကျေးမှုတို့ ပေါင်းစပ်ထားသော ခေတ်မီရေး၊ လူနှင့်သဘာဝ ပြေပြစ်သင့်မြတ်စွာ အတူယှဉ်တွဲသော ခေတ်မီရေး၊ ငြိမ်းချမ်းသော ဖွံ့ဖြိုးတိုးတက်ရေးလမ်းကြောင်းကို လျှောက်လှမ်းသည့်ခေတ်မီရေးဖြစ်သည်ဟုပြောကြားပါသည်။
