ယခုလ ၂၄ ရက်နေ့က ကျင်းပသော တရုတ်ကွန်မြူနစ်ပါတီ ဗဟိုကော််မတီ၏ တရုတ်ကွန်မြူနစ်ပါတီ အကြိမ် (၂၀) မြောက် ပြည်လုံးဆိုင်ရာ ကိုယ်စားလှယ်များ ညီလာခံ အစီရင်ခံစာအား ရှင်းလင်းပြောကြားရေး သတင်းစာ ရှင်းလင်းပွဲတွင်၊ တရုတ်ကွန်မြူနစ်ပါတီ ဗဟိုကော်မတီ မူဝါဒ လေ့လာရေးရုံးဥက္ကဋ္ဌ ကျန်ကျင်ချွမ်က ပြည်သူတစ်ရပ်လုံးအတူချမ်းသာရေး ဖေါ်ဆောင်ခြင်းသည် ရေရှည်သမိုင်းဖြစ်စဉ် တစ်ရပ် ဖြစ်ပြီး စိတ်လောလို့ မရသလို စောင့်ဆိုင်းလို့လည်း မရကြောင်း၊ မျက်မှောက်အချိန်တွင် မိမိတို့သည် မက္ကရိုစီးပွားရေး တည်ငြိမ်ရေးကို အားဖြည့် ဖေါ်ဆောင်ရမည် ဖြစ်ပြီး စီးပွားရေး ဖွံ့ဖြိုးတိုးတက်ရေး အရှိန်ကောင်းကို ထိန်းသိမ်းထားရမည် ဖြစ်ကြောင်း၊ အလုပ်အကိုင် နေရာချထားမှု ဦးစားပေးခြင်းကို စွဲကိုင်ပြီး real economyစီးပွားရေး ဖွံ့ဖြိုးလာအောင် ဆက်လက် ဆောင်ရွက်ကာ အသေးစားနှင့် အလတ်စား လုပ်ငန်းများ ဖွံ့ဖြိုးတိုးတက်ရေးကို တက်ကြွစွာ အားပေးထောက်ခံရမည် ဖြစ်ကြောင်း၊ ပိုမို များပြားသော အလုပ်အကိုင် နေရာများနှင့် လုပ်ငန်း ထူထောင်ရေး အခွင့်အလမ်းများကို ဖန်တီးပေးပြီး တက္ကသိုလ် ဘွဲ့ရ ကျောင်းသားကျောင်းသူများ အပါအဝင် လူငယ်များ၏ အလုပ်အကိုင် နေရာရရှိရေး ပြဿနာကို ကောင်းမွန်စွာ ဖြေရှင်းပေးရမည် ဖြစ်၍ လူအများကို ကိုယ့်ကိုယ်ကိုယ် အားကိုးပြီး ချမ်းမြေ့သောဘဝကို ဖန်တီးရန် လမ်းညွှန်လမ်းပြပေးရမည် ဖြစ်ကြောင်း၊ ယင်းသည် မျက်မှောက်တွင် ပြည်သူတစ်ရပ်လုံး အတူ ချမ်းသာရေးကို ထိရောက်စွာ တွန်းအားပေးရန် အခြေခံပင် ဖြစ်ကြောင်း ပြောကြားခဲ့သည်ဟု China Media Group မှ သတင်းအရ သိရပါသည်။
