တရုတ်ကွန်မြူနစ်ပါတီက မည်ကဲ့သို့သော ပါတီဖြစ်သနည်း

(GMT+08:00)2022-10-13 14:14:34  

တရုတ်နိုင်ငံကိုရောက်နေသည့် ကျွန်မကို တရုတ်မိတ်ဆွေများရော၊ မြန်မာမိတ်ဆွေများကပါ တရုတ်ကွန်မြူနစ်ပါတီနှင့်ပတ်သက်ပြီး သူတို့သိလိုသည်များကို မေမြန်းကြသည်များရှိသည်။ သူတို့သိလို၍ မေးမြန်းကြသည့်အထဲတွင် တရုတ်ကွန်မြူနစ်ပါတီအပေါ် မည်ကဲ့သို့သော ထင်မြင်ချက်ရှိသနည်း။  တရုတ် ကွန်မြူနစ်ပါတီက မည်ကဲ့သို့သော ပါတီဖြစ်သနည်းဆိုသည့် မေးခွန်းက မပါမဖြစ်ပါသည်။ ထိုသို့သော ထင်မြင်ချက်တောင်းသည့်အခါ ကျွန်မက ကျွန်မ၏ ထင်မြင်ချက်အစား တရုတ်ပြည်သူများ၏ ထင်မြင်ချက် ၊ ယူဆချက် ဘယ်လိုရှိသလဲဆိုသည်ကို ဦးတည်လေ့လာပြီးမှ ကျွန်မ၏ ထင်မြင်ယူဆ သုံးသပ်ချက်ကို ပြောဆိုလေ့ရှိသည်။ ဘာဖြစ်လို့ပါလဲ။ တရုတ်ပြည်သူတွေကသာ တရုတ်နိုင်ငံအတွင်း ထာဝရတည်မှီ နေထိုင်ကြသည့် ပြည်သူများဖြစ်သည့်မို့ တရုတ်ကွန်မြူနစ်ပါတီအကြောင်း အကောင်း၊ အဆိုးမှန်သမျှကို ကျွန်မတို့ထက် တရုတ်ပြည်သူတွေက ပိုပြီး သိနိုင်သည်ဟု ရှုမြင်မိ၍သာ ဖြစ်သည်။ 

တရုတ်ကွန်မြူနစ်ပါတီအပေါ် တရုတ်ပြည်သူများ၏ ရှုမြင်သုံးသပ်ချက် မည်သို့ရှိသနည်း ကျွန်မတို့ လေ့လာကြည့်ကြပါစို့။ တရုတ်ပြည်တွင်းပြည်ပတွင် ပြုလုပ်ခဲ့သည့် ပြည်သူ့သဘောထား စစ်တမ်းကောက်ယူမှု များ၏ရလဒ်များအရ တရုတ်ကွန်မြူနစ်ပါတီအပေါ် တရုတ်ပြည်သူများ၏ ကျေနပ်မှုနှင့်ယုံကြည်မှုသည် ယခုနှစ်ပိုင်းများတွင် အဆမတန် တိုးလာသည်ကို စိစစ်မှုမှတ်တမ်းများအရ တွေ့ရသည်။

တရုတ်ကွန်မြူနစ်ပါတီအပေါ် တရုတ်ပြည်သူများ၏ ကျေနပ်မှုနှင့် ယုံကြည်မှု တိုးလာသည့် အဓိက အကြောင်းရင်းမှာ ကိုဗစ်-၁၉ ကပ်ရောဂါတိုက်ဖျက်ရေးနှင့် ဆင်းရဲမှုပပျောက်စေရေးတွင် တရုတ် ကွန်မြူနစ်ပါတီ၏ ဦးဆောင်မှုကောင်းခြင်းကို သက်သေထူပြနိုင်ခြင်းကြောင့် ဖြစ်သည်ကို ပြည်သူ့ သဘောထား ကောက်ယူမှု အစီရင်ခံစာများတွင် အဓိကအချက်အဖြစ် တွေ့ရသည်။ ပြည်သူ့သဘောထား ကောက်ယူမှု များတွင် လူစုစုပေါင်း ၅၈၆၅ ဦး ရှိသည်ဆိုပါစို့ အင်တာဗျူးလက်ခံသူ ၉၆ ရာခိုင်နှုန်းက တရုတ်ပြည်၏ ကိုဗစ်-၁၉ ကပ်ရောဂါ တိုက်ဖျက်ရေး လုပ်ငန်းအပေါ် ကျေနပ်ကြောင်း ဖြေဆိုသည်။ အင်တာဗျူးလက်ခံသူ ရာခိုင်နှုန်း ၉၀ ကျော်က ကိုဗစ်-၁၉ ကပ်ရောဂါ တိုက်ဖျက်ရေးနှင့်ပတ်သက်ပြီး တရုတ်အစိုးရသည် ကောင်းမွန်သော လုပ်ဆောင်မှုကို ပြသနိုင်ပြီး လက်တွေ့အခြေအနေနှင့် လိုက်လျောညီထွေမှုရှိအောင် သက်ဆိုင်ရာ ပေါ်လစီ များကို ထိရောက်စွာ ထိန်းညှိနိုင်ခဲ့ကြောင်း ဖြေဆိုကြသည်။ ထို့နောက် ပြည်သူ့စစ်တမ်းများအရ တရုတ်ပြည်၏ ဆင်းရဲမှုပပျောက်စေရေးကို အကောင်အထည်ဖော်ဆောင်ပြီး ဖွံ့ဖြိုးတိုးတက်ရေး အဆင့်ကာလသစ်သို့ ဝင်ရောက်ခဲ့မှုကို ကျေနပ်မှုရှိကြောင်း ဖော်ပြကြသည်။ ၄င်းပြည်သူ့သဘောထား ကောက်ယူမှုကို ယမန်နှစ် ဒုတိယနှစ်ဝက်ပိုင်းက တရုတ်လူမှုရေးသိပ္ပံပညာအကယ်ဒမီ တရုတ်အစိုးရ ကေဒါ ခေါင်းဆောင် သုတေသန စင်တာမှ စတင်ပြုလုပ်ခဲ့ခြင်း ဖြစ်သည်။ ထိုစစ်တမ်းကိုကြည့်ပြီး သုံးသပ်ရမည် ဆိုလျှင် တရုတ်ကွန်မြူနစ်ပါတီဝင်များပါဝင်သည့် တရုတ်အစိုးရအပေါ် တရုတ်ပြည်သူများ၏ ထောက်ခံချက်က ကောင်းမွန်သည့်အခြေအနေရှိသည်ကို သုံးသပ်ရမည်ဖြစ်သည်။ သို့သော် ကပ်ပြောမည်ဆိုလျှင်လည်း တရုတ်ပြည်သူလူထုကိုသွားမေးတော့ သူတို့က သူတို့အစိုးရကို ကောင်းတယ်ဟုပင် ဖြေမှာပေါ့ဟု ဆိုစရာ ရှိသည်။ 

ထိုသို့ဆိုလျှင် ယမန်နှစ်က အမေရိကန် Harvard တက္ကသိုလ်မှ အချိန်ကြာရှည်စွာ ပြုလုပ်ခဲ့သည့် ပြည်သူ့ သဘောထား ကောက်ယူမှု၏ ရလဒ်ကို ကြည့်ကြပါစို့။ ၄င်းရလဒ်အရ ၂၀၁၆ ခုနှစ်က တရုတ် အစိုးရမှ ထောက်ပံ့ပေးသော ဆေးဝါးကုသရေး၊ သက်သာချောင်ချိရေးနှင့် အခြား အခြေခံ အများပြည်သူ့ ဝန်ဆောင်မှုများသည် ၄င်းပြည်သူ့သဘောထား ကောက်ယူမှု စတင်ပြုလုပ်ခဲ့သည့် ၂၀၀၃ ခုနှစ်ကထက် များစွာ ကောင်းမွန်လာပြီး ပိုမို တရားမျှတကြောင်း၊ အခြေခံ ဝန်ဆောင်မှုဆိုင်ရာ အာမခံပေးခြင်း ရှိသောကြောင့် ဆင်းရဲသော ဒေသနှင့် ကုန်းတွင်းပိုင်း ဒေသများမှ ပြည်သူများ၏ ကျေနပ်မှုသည် ပိုမြင့်ကြောင်း၊ ၂၀၁၆ ခုနှစ်က ဗဟို အစိုးရအပေါ် တရုတ်ပြည်သူများ၏ ကျေနပ်မှုနှုန်းမှာ ၉၃ ရာခိုင်နှုန်း ရှိကြောင်း ၊ တရုတ်ကွန်မြူနစ်ပါတီနှင့် တရုတ်အစိုးရ အရာရှိများ၏ လုပ်ပုံလုပ်ဟန်နှင့် ပတ်သက်ပြီး တရုတ်ပြည်သူများက ယခင်ကထက် လက်ရှိအစိုးရ၏ စွမ်းရည်နှင့် အလုပ်တွင်ကျယ်မှု ပိုမိုမြင့်မားလာသည်ဟု ယူဆကြောင်း၊ အထင်ရှားဆုံး ထူးခြားချက်တစ်ခုမှာ ဗဟို၊ ပြည်နယ်၊ မြို့နှင့် မြို့နယ်အစိုးရ အဆင့် ၄ ဆင့် အပေါ် တရုတ်ပြည်သူများ၏ ကျေနပ်မှုသည် ဘက်စုံတိုးမြင့်လာပြီး အင်တာဗျူးလက်ခံသူ ရာခိုင်နှုန်း ၈၀ က တရုတ်အစိုးရသည် ပြည်သူအများ တိုင်ကြားသည့် ပြဿနာအများစုကို ဖြေရှင်းပေးနိုင်ပြီး ပြည်သူနှင့် အစိုးရအကြား ကူးလူး ဖလှယ်မှု ပြုလုပ်ရန် ယခင်ကထက် ပိုမိုလွယ်ကူလာကြောင်း ဖော်ပြကြသည်။ 

ထို့အပြင် အမေရိကန် ကယ်လီဖိုးနီးယား ပြည်နယ် တက္ကသိုလ် တရုတ်အချက်အလက် စမ်းသပ်ခန်းမှ ပြုလုပ်သော ပြည်သူ့သဘောထား ကောက်ယူမှုတွင်လည်း တရုတ်အစိုးရအပေါ် တရုတ်ပြည်သူများ၏ ကျေနပ်မှုသည် တစ်ဆင့် တိုးမြင့်လာကြောင်း၊ တရုတ်ဗဟိုအစိုးရအပေါ် တရုတ်ပြည်သူများ၏ ပျမ်းမျှ ကျေနပ်မှုမှာ ၂၀၁၉ ခုနှစ် ဇွန်လက ၈.၂၃ မှတ်မှ ၂၀၂၀ ပြည့်နှစ် မေလတွင် ၈.၈၇မှတ်အထိ  အမှတ်ပြည့် ၁၀ နီးပါးလောက်ထိ တိုးမြင့်လာကြောင်း တွေ့ရသည်။ ထို့အပြင် တရုတ်နိုင်ငံရေး စနစ်အောက်တွင် နေထိုင်လိုသည့် တရုတ်ပြည်သူဦးရေ အချိုးအစားသည်လည်း ၇၀ ရာခိုင်နှုန်းရှိရာမှ ၈၃ ရာခိုင်နှုန်းအထိ တိုးလာသည်ကို တွေ့ရသည်။

ဒုတိယနှစ်တစ်ရာ ရည်မှန်းချက်အဖြစ် ဆိုရှယ်လစ် ခေတ်မီနိုင်ငံ ဘက်စုံ တည်ဆောက်ရန်ကြိုးပမ်းနေပြီ

တရုတ်အစိုးရအပေါ် တရုတ်ပြည်သူများက ကျေနပ်နှစ်သက်မှုရှိခြင်းသည် တရုတ် ကွန်မြူနစ်ပါတီအပေါ် ပြည်သူများ၏ ယုံကြည်၊ ထောက်ခံမှုနှင့် ကျေနပ်မှု ရရှိသည့် အကြောင်းရင်း အစစ်မှန် စင်စစ်ပင်ဖြစ်သည်ဟု ကျွန်မက သုံးသပ်မိသည်။ ပြီးခဲ့သည့် နှစ် ၁၀၀ ပြည့် အစည်းအဝေးတွင် တရုတ်ကွန်မြူနစ်ပါတီ ဗဟိုကော်မတီ အထွေထွေ အတွင်းရေးမှူး ရှီကျင့်ဖိန်က “ကျွန်တော်တို့ဟာ ပထမ နှစ်တစ်ရာ ကြိုးပမ်းဆောင်ရွက်ရေး ရည်မှန်းချက်ကို အကောင်အထည် ဖေါ်ဆောင်ပြီးပါပြီ။ တရုတ်ပြည်မှာ အသင့်အတင့် ချမ်းသာသော လူ့ဘောင်အဖွဲ့အစည်းကို ဘက်စုံ တည်ဆောက်ပြီးပါပြီ။ သမိုင်းမှာ အလွန်အမင်း ဆင်းရဲမှု ပြဿနာကို ဖြေရှင်းပြီးပါပြီ။ ယခုဆိုလျှင် အင်အား တောင့်တင်းသော ဆိုရှယ်လစ် ခေတ်မီနိုင်ငံ ဘက်စုံ တည်ဆောက်ရန် ဒုတိယနှစ်တစ်ရာ ကြိုးပမ်းဆောင်ရွက်ရေး ရည်မှန်းချက်အတိုင်း ချီတက်နေပြီ” ဟု လေးနက်စွာ ပြောကြားခဲ့သည်ကို မှတ်မှတ်ထင်ထင် ကြားခဲ့ရသည်။ သမ္မတရှီကျင့်ဖိန်၏ မိန့်ခွန်းစကားများကို သေချာ လေ့လာနားထောင် စေ့ငုသုံးသပ်ကြည့်လျှင် “တရုတ် ကွန်မြူနစ်ပါတီ၏ မွန်မြတ်သည့် ပါတီတည်ထောင်ရေး စိတ်ဓါတ်” ကို ထင်ရှားစွာ တွေ့ရမည်ဖြစ်သည်။ 

တရုတ်ကွန်မြူနစ်ပါတီသည် ပြည်သူများ၏ ချမ်းမြေ့မှုနှင့် တရုတ်အမျိုးသားများ၏ ရှင်သန်မှုအတွက် ကြိုးပမ်းဆောင်ရွက်ခြင်းကို ပါတီ၏ မူရင်းစိတ်နှင့် တာဝန်ဝတ္တရားအဖြစ် ချမှတ်ထားပြီး အဆက်မပြတ် ဖေါ်ဆောင်ပေးခဲ့သည်။ အမှန်တရားကို စွဲကိုင်ထားခြင်း၊ ရည်မှန်းချက်ကို စွဲကိုင်ထားခြင်း၊ မူရင်းစိတ်ကို လက်တွေ့ဖော်ဆောင်ခြင်း၊ တာဝန်ဝတ္တရားများကို ကျေပွန်စွာ ထမ်းဆောင်ခြင်း၊ အသက်ဆုံးရှုံးမှုကို မကြောက်ခြင်း၊ ရဲရဲဝံ့ဝံ့ တိုက်ခိုက်ခြင်း၊ ပါတီအပေါ် သစ္စာရှိခြင်း၊ ပြည်သူမျှော်မှန်းသည့်အတိုင်း ဆောင်ရွက် ပေးခြင်းတို့သည် တရုတ်ကွန်မြူနစ်ပါတီ၏ မွန်မြတ်သည့် ပါတီတည်ထောင်ရေး စိတ်ဓါတ်ပင်ဖြစ်သည်ဟု သုံးသပ်ချင်သည်။ 

တရုတ်ကွန်မြူနစ်ပါတီသည် ပြည်သူများကို အခြေခံပြီး ပြည်သူများအပေါ်တွင်သာ မှီခိုအားထား ခြင်းကြောင့် ၁၀၁ နှစ် ပြည့်မြောက်သည်အထိ ခိုင်မာစွာ ရပ်တည်နိုင်ခြင်းပင်ဖြစ်သည်။ အဓိကအားဖြင့် ပြည်သူများ၏ စားဝတ်နေရေး ကောင်းမွန်စေခြင်းနှင့် တန်းတူညီမျှမှု တိုးမြှင့်ရေးတွင် အောင်မြင်မှုများ ရရှိခဲ့ခြင်းသည် ထူးခြားသာလွန်သည့် အချက်ကောင်း ဖြစ်သည်။ တရုတ်ကွန်မြူနစ်ပါတီ တည်ထောင်ခြင်း အခမ်းအနားနေ့ရောက်လျှင် ပြည်သူအများက တရုတ်ကွန်မြူနစ်ပါတီအပေါ် ကျေးဇူးတင်ရှိခြင်းစိတ်ရင်းဖြင့် ဂုဏ်ပြုကြသည်။ တရုတ် ကွန်မြူနစ်ပါတီဝင်များကလည်း တိုင်းပြည်နှင့်ပြည်သူအပေါ် အသက်နှင့် အကျိုး စီးပွားကို ပေးအပ်ပြီး ပြည်သူများ၏ အကျိုးစီးပွားကို အလေး ဂရုစိုက်ဖို့ သစ္စာပြုကြသည်။  ယင်းအချက် များသည် တရုတ်ပြည်သူများက တရုတ်ကွန်မြူနစ်ပါတီအပေါ် ထောက်ခံမှုကောင်းရှိခြင်းကို ပြသသည့် အချက်ကောင်းများပင် ဖြစ်သည်။ 

ကျွန်မ၏ သုံးသပ်ချက်ကို ပြောရမည်ဆိုလျှင် တရုတ်ကွန်မြူနစ်ပါတီ ၁၀၁ နှစ်ပြည့်မြောက်ပြီးနောက် ယခုနှစ်တွင်ပင် ကျင်းပမည့် တရုတ်ကွန်မြူနစ်ပါတီ အကြိမ် ၂၀ မြောက် ပြည်လုံးဆိုင်ရာ ကိုယ်စားလှယ်များ ညီလာခံကိုလည်း ကျွန်မက စိတ်ဝင်တစားဖြစ်မိသည်။ ထိုအစည်အဝေးတွင် ကိုယ်စားပြု ကိုယ်စားလှယ်များ တိုင်းပြည်အတွက် မည်ကဲ့သို့သော မူဝါဒါများချမှတ်ရေးဆွဲပြီး မည်သို့သော အကြောင်းအရာများ ပြည်သူထံ တင်ပြမလဲ လူအများအတွက် စိတ်ဝင်စားဖွယ် ဖြစ်နေသည်။  ထိုဆွေးနွေးပွဲ သည်လည်း ယခုနှစ်အတွက် တရုတ်ကွန်မြူနစ် ပါတီ၏ အရေးအကြီးဆုံး လုပ်ဆောင်ရမည့် အရေးကိစ္စ တာဝန်ကြီးပင် ဖြစ်သည်။ မည်သို့မျှ ချန်လှပ်ထား၍ မရ။ 

တရုတ်ကွန်မြူနစ်ပါတီသည် အတိတ်ကိုကြည့်ပြီး အနာဂတ်ကို မျှော်မှန်းကာ တိုင်းရုင်းသားပေါင်းစုံမှ ပြည်သူများ၏ ရင်းနှီးစွာ သွေးစည်းညီညွတ်မှုဖြင့် အင်အားတောင့်တင်းသော ဆိုရှယ်လစ် ခေတ်မီ နိုင်ငံကို ဘက်စုံ တည်ထောင်ရန် တရုတ်အမျိုးသား၏ ရှင်သန်ရေး အိပ်မက်ကို ဖေါ်ဆောင်နိုင်ဖို့ တိုင်းရင်းသား ပေါင်းစုံပါဝင်သည့် လှေနီကြီးဖြင့် ရှေ့သို့ချီတက်နေပြီ ဖြစ်သည်။ ကြယ်ငါးပွင့်အလံတော်ကြီး အောက်တွင် လေးနှစ်တာကာလ အေးချမ်းစွာ နေထိုင်အလုပ်အကိုင်ခွင့်ရခဲ့သည့် ကျွန်မသည်လည်း တရုတ်ကွန်မြူနစ် ပါတီ ၁၀၁ နှစ် ပြည့်မြောက်သည့် နှစ်ပတ်လည် အခါသမယတွင် တရုတ်ကွန်မြူနစ်ပါတီကြီး ကမ္ဘာတည်သရွေ့ အဓွန့်ရှည်ပါစေ။ မွန်မြတ် ဂုဏ်ပြောင် ရဲဝံ့သော တရုတ် ပြည်သူများ အဓွန့် ရှည်ပါစေဟုပင် ဆုတောင်း ထောမနာ ထပ်လောင်း ပြုချင်မိပါသည်။

စုသက်မှူး(မရမ်းကုန်း)