တရုတ်နိုင်ငံတွင် (၅)နှစ်တစ်ကြိမ် ကျင်းပသည့် တရုတ်ကွန်မြူနစ်ပါတီ၏ ကိုယ်စားလှယ်များ ညီလာခံကြီး မကြာခင် ကျင်းပတော့မည်ဖြစ်သည်။ ထိုညီလာခံအတွက် တရုတ်ကွန်မြူနစ်ပါတီဝင် ခေါင်းဆောင် များသည် ညီလာခံ မကျင်းပမီကာလတွင် ကိုယ်စားလှယ်များရွေးချယ်ခြင်းအပါအ၀င် ညီလာခံတွင် ဆွေးနွေး တင်သွင်းမည့် အကြောင်းအရာများကို ခေါင်းချင်းဆိုင် ဆွေးနွေးညှိနှိုင်းမှုများရှိသည်။ ထို့ကြောင့် ညီလာခံ အစည်းအဝေးကြီးတွင် တရုတ်ကွန်မြူနစ်ပါတီဝင် ကိုယ်စားလှယ်တော်ကြီးများက တရုတ်နိုင်ငံအတွက် မည်ကဲ့သို့သော အကြောင်းအရာများ ဆွေးနွေးနိုင်မည်နည်း။ တရုတ်ပြည်သူလူထုအတွက် ထင်ရှားသော မည်သည့်လုပ်ဆောင်ချက်များ ချပြနိုင်မည်နည်းဆိုသည်ကို လူအများက စိတ်ဝင်တစား အာရုံစိုက်မှု ရှိကြ သည်။
တရုတ်ကွန်မြူနစ်ပါတီ၏ ဖွဲ့စည်းပုံနှင့် ပါတီညီလာခံကျင်းပမှုများအကြောင်း
ယခုဆောင်းပါးတွင် လူအများ သိချင်နေကြသည့် တရုတ်ကွန်မြူနစ်ပါတီ၏ ဖွဲ့စည်းပုံနှင့် ပါတီ ညီလာခံကျင်းပမှုများအကြောင်းကို ဗဟုသုတဖြစ်စေရန် အလျဉ်းသင့်၍ အနည်းငယ် တင်ပြလိုပါသည်။ တရုတ်ကွန်မြူနစ်ပါတီ၏ ဖွဲ့စည်းပုံက စိတ်ဝင်စားစရာ ကောင်းလှသည်။ တခြားသော ပါတီအဖွဲ့အစည်းများနှင့် မတူသည်ကို တွေ့ရမည် ဖြစ်သည်။ တရုတ်ကွန်မြူနစ်ပါတီတွင် နောက်ဆုံးထုတ် မှတ်တမ်းများအရ အဖွဲ့ဝင်ပေါင်း ၉၆.၇၁ သန်းကျော်ရှိသည်။ ယင်းကြောင့် ကမ္ဘာတွင် အဖွဲ့ဝင်အင်အား အများဆုံး အာဏာရ ပါတီကြီး တစ်ခုလည်း ဖြစ်သည်။
တရုတ်ကွန်မြူနစ်ပါတီတွင် ကိုယ်စားလှယ်များပါဝင်ထားသည့် တရုတ် ကွန်ကရက်ရှိသည်။ အဖွဲ့ဝင် ၂၀၀၀ ကျော်လောက် ရှိသည်။ ထိုအဖွဲ့ဝင်များဖြင့် ၅ နှစ်တစ်ကြိမ် ညီလာခံကျင်းပလေ့ ရှိသည်။ ကွန်ကရက် အထက်တွင် ဗဟိုကော်မတီရှိသည်။ ဗဟိုကော်မတီတွင် အဖွဲ့ဝင် အယောက် ၂၀၀ လောက် ရှိသည်။ တစ်နှစ်တစ်ကြိမ် တွေ့ဆုံဆွေးနွေးမှုရှိသည်။ ပေါ်လစ်ဗျူရိုတွင် အဖွဲ့ဝင် ၂၅ ယောက်ရှိသည်။ အမြဲတမ်း ကော်မတီအဖွဲ့ဝင် ၇ ယောက်ရှိသည်။
ဆက်လက်ပြီး ယခုဆောင်းပါးတွင် ခေတ်အဆက်ဆက် ကျင်းပခဲ့သည့် ပါတီညီလာခံများအကြောင်းကို ဆက်လက် ရေးသားရမည်ဆိုလျှင် တရုတ်ကွန်မြူနစ်ပါတီ၏ ပထမအကြိမ်ပါတီညီလာခံကို ၁၉၂၁ ခုနှစ် ဇူလိုင်(၂၃)ရက် မှ (၃၁)ရက်နေ့အထိ ကျင်းပခဲ့သည်ကို တွေ့ရမည်ဖြစ်ပြီး ၁၉၂၂ ခုနှစ်၊ ၁၉၂၃ ခုနှစ်၊ ၁၉၂၅ ခုနှစ်၊ ၁၉၂၇ ခုနှစ် နှင့် ၁၉၂၈ ခုနှစ်တို့တွင် ပါတီညီလာခံများ ဆက်တိုက်ကျင်းပခဲ့သည်ကို တွေ့ရမည် ဖြစ်သည်။ ထို့ပြင် သတ္တမအကြိမ်ပါတီညီလာခံကို ၁၉၄၅ ခုနှစ်မှသာ ကျင်းပနိုင်ခဲ့သဖြင့် ညီလာခံ နှစ်ခုကြား ကာလသည် ၁၇ နှစ် ကြာမြင့်ခဲ့သည်ကိုလည်း တွေ့ရမည် ဖြစ်သည်။ ၁၉၄၉ ခုနှစ်တွင် တရုတ်ပြည်သူ့ သမ္မတနိုင်ငံကိုတည်ထောင်ပြီးနောက် ၁၉၅၆ ခုနှစ်မှသာ (၈)ကြိမ်မြောက် ပါတီညီလာခံကို ကျင်းပခဲ့သည်။ ညီလာခံ နှစ်ခုကြားကာလသည် (၁၁)နှစ်ရှိခဲ့သည်။ (၈)ကြိမ်မြောက် ညီလာခံအပြီး (၁၃)နှစ်အကြာ ၁၉၆၉ ခုနှစ်တွင် နဝမအကြိမ်မြောက် ပါတီညီလာခံကို ကျင်းပခဲ့သည်။ နောက်လေးနှစ်အကြာ ၁၉၇၃ ခုနှစ်တွင် ဒဿမအကြိမ် ပါတီညီလာခံ၊ ၁၉၇၇ ခုနှစ်တွင် (၁၁)ကြိမ်မြောက် ပါတီညီလာခံတို့ကို ကျင်းပခဲ့သည်။ ၁၉၈၂ ခုနှစ် (၁၂)ကြိမ်မြောက် ပါတီညီလာခံမှအစပြု၍ ပါတီညီလာခံကို ငါးနှစ်တစ်ကြိမ် ကျင်းပခဲ့သည်ကို တွေ့ရမည် ဖြစ်သည်။
နောက်ဆုံးအကြိမ် ကျင်းပခဲ့သည့် ပါတီညီလာခံသည် ၂၀၁၇ ခုနှစ်က ကျင်းပခဲ့သည့် (၁၉)ကြိမ်မြောက် ညီလာခံပင် ဖြစ်သည်။ ထိုညီလာခံတွင် ကိုယ်စားလှယ် ၂၂၈၀ ဦး ညီလာခံသို့ ပါဝင် တက်ရောက်ခဲ့ပြီး ပါတီညီလာခံတွင် တရုတ်ကွန်မြူနစ်ပါတီ ပေါ်လစ်ဗျူရို အမြဲတမ်းကော်မတီဝင်(၅) ဦး ပါတီတာဝန်မှ အနားယူခဲ့သည်။ ပေါ်လစ်ဗျူရို အမြဲတမ်း ကော်မတီဝင်သစ် (၅)ဦးကို ရွေးချယ် တာဝန်ပေးခဲ့သည်။ တရုတ်ကွန်မြူနစ်ပါတီ၏ အထွေထွေအတွင်းရေးမှူး ရှီကျင့်ဖိန်နှင့် တရုတ်ကွန်မြူနစ်ပါတီ ဗဟိုကော်မတီ နိုင်ငံရေး ဦးဆောင်အဖွဲ့ အမြဲတမ်းအဖွဲ့ဝင် လီခေ့ချန်မှလွဲ၍ ကျန်ပုဂ္ဂိုလ်များသည် ပေါ်လစ်ဗျူရို အမြဲတမ်း ကော်မတီဝင်သစ်များ ဖြစ်လာကြသည်။ (၁၉)ကြိမ်မြောက် ပါတီညီလာခံ ဆွေးနွေးချက်များအရ တရုတ် ကွန်မြူနစ်ပါတီသည် ဖွံ့ဖြိုးရေးအတွေးအခေါ်သစ်များကို တင်သွင်းခဲ့သည်။ ဖွံ့ဖြိုးမှု အသွင်ပုံစံသစ်ကို ပြောင်းလဲပြီး စီးပွားရေး တိုးတက်မှုကို မြှင့်တင်ရန် ပြင်ဆင်ခဲ့သည်။ တရုတ်ထူးခြားချက် ၀ိသေသ ပါရှိသော ဆိုရှယ်လစ် အတွေးအခေါ်သစ်ကို တရုတ်ကွန်မြူနစ်ပါတီနှင့် ပြည်သူများ၏ ပြန်လည်ရှင်သန်ရေး အိပ်မက်အဖြစ် အကောင်အထည်ဖော်ဆောင်ရန် လုပ်ဆောင်ခဲ့သည်။ အကျင့်ပျက် ခြစားမှုဆိုင်ရာ အရေးယူမှု များကိုလည်း အထူးတလည် ကိုင်တွယ်ရန်ဆုံးဖြတ်ခဲ့ကြသည်။
မကြာခင်ကျင်းပမည့် အစည်းအဝေး မည်သည့်အကြောင်းအရာ ဆွေးနွေးနိုင်မည်နည်း
လက်ရှိတွင် တရုတ်ကွန်မြူနစ်ပါတီသည် ပြည်သူကို ထိရောက်သည့် အုပ်ချုပ်မှုနှင့် ဦးဆောင်ပြီး တိုင်းပြည်၏ အာဏာအားလုံးကို ပြည်သူက ပိုင်သည်ဟု အခိုင်အမာ ပြောဆိုထားသည်။ တရုတ်ကွန်မြူနစ် ပါတီ၏ မွန်မြတ်သည့် ပါတီတည်ထောင်ရေး စိတ်ဓါတ်ကို နှစ် ၁၀၀ ကျော်ကာလအတွင်း ထင်ရှားစွာ တွေ့မြင်ရပြီးဖြစ်သည်ဟု တရုတ်ကွန်မြူနစ်ပါတီက ပြည်သူကို အတိအလင်း ကြေညာထားသည်။ ထို့အပြင် တရုတ်ကွန်မြူနစ်ပါတီ၏ အကြိမ် (၂၀)မြောက် ကိုယ်စားလှယ်များ ညီလာခံအတွက်လည်း ပြည်လုံးဆိုင်ရာ ကိုယ်စားလှယ် ၂၂၉၆ ဦးကို ရွေးချယ်ထားပြီး ဖြစ်သည်။ တရုတ်ကွန်မြူနစ်ပါတီ၏ ထိပ်တန်း ခေါင်းဆောင် များသည်လည်း ညီလာခံ မကျင်းပမီ အချိန်အတွင်း ဆွေးနွေးမှုများကို ကြိမ်ဖန်များစွာ ပြုလုပ်လျက်ရှိသည်။
တရုတ်ကွန်မြူနစ်ပါတီ၏ ပြီးခဲ့သည့်လများက ကျင်းပခဲ့သည့် ညှိနှိုင်းအစည်းအဝေးများကို ကြည့်မည် ဆိုလျှင် ဇူလိုင်လကစပြီး အဓိကပါတီအစည်းအဝေးများ အရင်ကထက် ခပ်စိတ်စိတ် ကျင်းပခဲ့သည်ကို တွေ့ရသည်။ ဇူလိုင်လ ၂၆ နှင့် ၂၇ ရက်နေ့တွင် အကြိမ် (၂၀) မြောက် တရုတ်ကွန်မြူနစ်ပါတီ ပြည်လုံးဆိုင်ရာ ကိုယ်စားလှယ်များညီလာခံ ဆီးကြိုခြင်း ဆွေးနွေးပွဲကို ပါတီထိပ်တန်း ခေါင်းဆောင်များဖြင့် ၂ ရက်ကြာ ကျင်းပခဲ့တာ တွေ့ရသည်။ ထိုဆွေးနွေးပွဲတွင် တရုတ်ကွန်မြူနစ်ပါတီ၏ အထွေထွေအတွင်းရေးမှူး ရှီကျင့်ဖိန်က ဆိုရှယ်လစ် ခေတ်မီနိုင်ငံဖြစ်ရေး ဘက်စုံ တည်ဆောက်ရန်၊ ဒုတိယမြောက် နှစ် ၁၀၀ ကြိုးပမ်း ဆောင်ရွက်ရေး ရည်မှန်းချက်သို့ ချီတက်ရန်၊ တရုတ်ကွန်မြူနစ်ပါတီ တစ်ရပ်လုံးအနေဖြင့် တရုတ် ထူးခြားချက် ပါရှိသော ဆိုရှယ်လစ်အလံကို ကိုင်ဆောင်ထားပြီး တရုတ်နိုင်ငံ၏ လက်တွေ့အခြေအနေအရ မာ့က်စ်ဝါဒ ကျင့်သုံး ဖော်ဆောင်ရေးနှင့် တရုတ်ထူးခြားချက်ပါရှိသော ဆိုရှယ်လစ်လမ်းကြောင်းကို ခိုင်မာစေရန် ဆွေးနွေးပွဲတွင် အလေးထား ဆွေးနွေးခဲ့ကြသည်။
နောက် အစည်းအဝေးပွဲတစ်ခုသည် စက်တင်ဘာလ (၉)ရက်နေ့တွင် ကျင်းပခဲ့သည့် အစည်းအဝေးပွဲဖြစ်သည်။ ယင်းအစည်းအဝေးပွဲကို တရုတ်ကွန်မြူနစ်ပါတီ၏ အထွေထွေအတွင်းရေးမှူး ဖြစ်သည့် ရှီကျင့်ဖိန်က ဦးဆောင်ကျင်းပခဲ့ပြီး အစည်းအဝေးတွင် “တရုတ်ကွန်မြူနစ်ပါတီ၏ စည်းမျဉ်း (ပြင်ဆင်ချက်)” မူကြမ်းနှင့် (၁၉) ကြိမ်မြောက် ဗဟိုကော်မတီ စည်းကမ်း ကြီးကြပ်ရေး ကော်မရှင်မှ တရုတ်ကွန်မြူနစ်ပါတီ အကြိမ် (၂၀) မြောက် ပြည်လုံးဆိုင်ရာ ကိုယ်စားလှယ်များ ညီလာခံထံ တင်သွင်းမည့် လုပ်ငန်း အစီရင်ခံစာ မူကြမ်းကို အပြန်အလှန် ဆွေးနွေးသုံးသပ်ခဲ့ကြတာ တွေ့ရသည်။ ထိုအစည်းအဝေးများမှ ဆွေးနွေးသုံးသပ်မှုများအရ တရုတ်ကွန်မြူနစ်ပါတီသည် တရုတ်ကွန်မြူနစ်ပါတီ၏ အတွေးအခေါ်၊ တရုတ် ကွန်မြူနစ်ပါတီ၏ မူဝါဒ၊ တရုတ်ကွန်မြူနစ်ပါတီ၏ လမ်းညွှန်ချက်များကို တရုတ်ကွန်မြူနစ်ပါတီဝင်များ စည်းလုံး ညီညွတ်စွာ လိုက်နာနိုင်ဖို့နှင့် တရုတ်ကွန်မြူနစ်ပါတီကို ပြုပြင်ပြောင်းလဲရေးများ ပြုလုပ်ရန် လိုအပ်သည်ဟု ယူဆထားပုံရသည်။ ယင်းအစည်းအဝေးပွဲသို့ တရုတ်ကွန်မြူနစ်ပါတီဗဟိုကော်မတီ နိုင်ငံရေး ဦးဆောင်အဖွဲ့ အမြဲတမ်းအဖွဲ့ဝင် လီခေ့ချန်၊ လိကျန့်ဆူ၊ ဝမ်ယန်၊ ဝမ်ဟုနင်း၊ ကျောက်လေ့ကျိ၊ ဟန်ဇိန့်၊ နိုင်ငံ ဒုတိယ သမ္မတ ဝမ်ချီးဆန် စသည် အရေးကြီးပုဂ္ဂိုလ်များ တက်ရောက်ခဲ့ကြသည်။
လူအများအတွက် ပိုပြီး စိတ်ဝင်တစား အာရုံစူးစိုက်မှုဖြစ်ကြသည်မှာ ယခုအကြိမ် ကျင်းပမည့် တရုတ်ကွန်မြူနစ်ပါတီ အကြိမ် (၂၀)မြောက် ညီလာခံတွင် တရုတ်ကွန်မြူနစ်ပါတီ၏ ဖွဲ့စည်းပုံပြင်ပြောင်းလဲရေးဆိုင်ရာ များကို အတည်ပြုချမှတ်နိုင်မည်ဟု ထင်ကြေးပေးနေကြခြင်းပင်ဖြစ်သည်။ ယင်းကြောင့် ယခုလ အောက်တိုဘာလ (၁၆)ရက်နေ့တွင် ကျင်းပပြုလုပ်မည့် တရုတ်ကွန်မြူနစ်ပါတီအကြိမ် (၂၀)မြောက် ကိုယ်စားလှယ်များညီလာခံတွင် တရုတ်နိုင်ငံ၏ အနာဂတ် အရွေ့ကို တရုတ်ကွန်မြူနစ်ပါတီ မည်ကဲ့သို့သော မူဝါဒများဖြင့် ဆက်လက် ပုံဖော် လုပ်ဆောင်မည်နည်း၊ ဒုတိယမြောက် နှစ် ၁၀၀ ကြိုးပမ်း ဆောင်ရွက်ရေး ရည်မှန်းချက်သစ်များဖြစ်သည့် ချမ်းသာကြွယ်ဝသော လူ့ဘောင်အဖွဲ့အစည်း တည်ဆောက်ရေး အပါအ၀င် ဒီမိုကရေစီနည်းလမ်းကျနစွာဖြင့် လှပခေတ်မီ တိုးတက်သည့် ခေတ်မီဆိုရှယ်လစ် နိုင်ငံကြီးအဖြစ် တည်ဆောက်ဖို့ မည်ကဲ့သို့ မူဝါဒများ ချမှတ် ဆောင်ရွက်မည်နည်း ဆိုသည်ကို စောင့်ကြည့်ရင်း ညီလာခံကြီး အောင်မြင်စွာ ကျင်းပနိုင်စေပါကြောင်း ဆုမွန်ကောင်း တောင်းလိုက်ရပါသည်။
စုသက်မှူး(မရမ်းကုန်း)
