သြဂုတ်လ ၅ ရက်နေ့က တရုတ်နိုင်ငံတော်ကောင်စီဝင်၊ နိုင်ငံခြားရေးဝန်ကြီး ဝမ်ယိသည် ဖနွမ်းပင်မြို့၌ ၁၂ ကြိမ်မြောက် အရှေ့အာရှ ထိပ်သီးအစည်းအဝေး၏ နိုင်ငံခြားရေး ဝန်ကြီးများ အစည်းအဝေးသို့ တက်ရောက်ရာ၌ တောင်ပင်လယ်ရေးရာတွင် တရုတ်နိုင်ငံ၏ ရပ်တည်ချက်ကို ရှင်းလင်းပြောကြားခဲ့ပါသည်။
ဝမ်ယိက တောင်ပင်လယ်ရေးရာတွင် တရုတ်နိုင်ငံ၏ ရပ်တည်ချက် သဘောထား သည် ပြည့်စုံသော သမိုင်းနှင့် တရားဥပဒေဆိုင်ရာ အထောက်အထား ရှိကြောင်း၊ တရုတ်နှင့် အာဆီယံနိုင်ငံများသည် တောင်ပင်လယ်ဆိုင်ရာ ဘက်အသီးသီးတို့၏ ဆောင်ရွက်မှု ကြေညာစာတမ်းအရ သဘောကွဲလွဲမှုများကို နှစ်ဖက်တို့ ညှိနှိုင်းတိုင်ပင် စေ့စပ်ဆွေးနွေးခြင်းဖြင့် သင့်တော်စွာ ကိုင်တွယ်ဖြေရှင်းရန် စွဲကိုင် ပါကြောင်း၊ နှစ်ပေါင်း များစွာအတွင်း မိမိတို့နှင့် အာဆီယံနိုင်ငံများသည် တောင်ပင်လယ်၏ တည်ငြိမ်ရေးကို လက်တွဲ ထိန်းသိမ်းထားပြီး နိုင်ငံအသီးသီး၏ ဖွံ့ဖြိုးရှင်သန်ရေးအတွက် တည်ငြိမ်သော ပတ်ဝန်းကျင်ကို ဖန်တီးပေးခဲ့ကြောင်း ပြောကြားပါသည်။
ဝမ်ယိက မျက်မှောက်အချိန်တွင် တောင်ပင်လယ် ငြိမ်းချမ်းတည်ငြိမ်ရေးကို ထိခိုက် ဂယက်ရိုက်ခတ်သော အကြီးဆုံးအန္တရာယ်သည် ပြင်ပ နိုင်ငံကြီးမှ မသင့်လျော်သော ဝင်ရောက်စွက်ဖက်ခြင်းနှင့် ဆက်တိုက် အနှောင့်အယှက် ပြုလုပ်ခြင်းပင် ဖြစ်ကြောင်း ပြောကြားသည်ဟု China Media Group မှ သတင်းအရ သိရပါသည်။
