အမေရိကန်အောက်လွှတ်တော်ဥက္ကဋ္ဌ Nancy Patricia Pelosiသည် တရုတ်နိုင်ငံ၏ တည်ကြည်လေးနက်သော အရေးဆိုမှုကို လျစ်လျူရှုပြီး တရုတ်နိုင်ငံ ထိုင်ဝမ်ဒေသသို့ အတင့်ရဲစွာ သွားရောက်လည်ပတ်ပါသည်။ အဆိုပါလုပ်ရပ်မှာ တရုတ်ပြည် တစ်ပြည်တည်းသာရှိရေး မူဝါဒကို ပြင်းထန်စွာ ချိုးဖောက်ပြီး တရုတ်နိုင်ငံ၏ အချုပ်အခြာအာဏာကို မလိုမုန်းထားစိတ်ဖြင့် ကျူးကျော်ထိပါးကာ နိုင်ငံရေးရန်စမှုကို အတိအလင်းပြုလုပ်ပါသည်။ တရုတ်ပြည်သူများသည် ဒေါသထွက်မိပြီး နိုင်ငံတကာ မိသားစုကြီးသည် ကျယ်ပြန့်စွာ ဆန့်ကျင်ကြပါသည်။ အမေရိကန်နိုင်ငံရေးသမားအချို့သည် တရုတ်-အမေရိကန် ဆက်ဆံရေး၏ နှောင့်ယှက်ဖန်တီးသူဖြစ်သည်၊ အမေရိကန်နိုင်ငံသည် ထိုင်ဝမ် ရေလက်ကြား ငြိမ်းချမ်းရေးနှင့် ဒေသတွင်းတည်ငြိမ်ရေးအတွက် အကြီးဆုံးသော အနှောင့်အယှက် ပေးသူဖြစ်သည်ဟု ထပ်မံပြဆိုနိုင်ပါသည်။
ထိုင်ဝမ် ရေလက်ကြား ငြိမ်းချမ်းတည်ငြိမ်ရေးကိုရရှိရန် တရုတ်ပြည် တစ်ပြည်တည်းသာ ရှိရေးမူဝါဒကို စွဲကိုင်ရကြောင်း၊ တရုတ်-အမေရိကန် နှစ်နိုင်ငံ ငြိမ်းချမ်းစွာ အတူယှဉ်တွဲနေထိုင်ရန် တရုတ်-အမေရိကန် ပူးတွဲပြန်တမ်း ၃ ရပ်ကို စောင့်စည်းလိုက်နာရကြောင်း မိမိအနေဖြင့် အလေးထားပြောကြားလိုပါသည်။ အမေရိကန်နိုင်ငံကို မှီခိုအားထားပြီး ထိုင်ဝမ် သီးခြားတည်ရှိရေးကို ရှာကြံရန် ကြံစည်ချက်မှာ ရှုံးနိမ့်လိမ့်မည် ဖြစ်ပါသည်။ ထိုင်ဝမ်ဒေသဖြင့် တရုတ်နိုင်ငံကို ကန့်သတ်ချုပ်ချယ်ရန် ကြံစည်ချက်မှာ ရှုံးနိမ့်လိမ့်မည်ဖြစ်ပါသည်။ နိုင်ငံတော် တစ်ပေါင်းတစ်စည်းတည်းဖြစ်ရေးကို အကောင်အထည်ဖော်ရန် တရုတ်ပြည်သူများသည် ဇွဲသတ္တိရှိပြီး တစ်စိတ်တည်းတစ်ဝမ်းတည်း သန္နိဌာန်ရှိကာ နိုင်ငံတော်အချုပ်အခြာအာဏာနှင့် အမျိုးသားဂုဏ်သိက္ခာ ကာကွယ်ထိန်းသိမ်းရန် စွမ်းရည်လည်း ရှိပါသည်။
