• ဆက်သွယ်ရန်•  မြန်မာဘာသာဌာနအကြောင်း
   

သမ္မတရွေးကောက်ပွဲ ပြန်လည်ကျင်းပရန် ဦးစားပေး စဉ်းစားမည် မဟုတ်ဟု ဗင်နီဇွဲလားဆို

(GMT+08:00) 2019-02-10 10:46:55

        ဗင်နီဇွဲလားသမ္မတ နီကိုလာ-မာဒူရိုက-မိုရို့စ်က ယခုလ ၇ ရက်နေ့က ဗင်နီဇွဲလားပြဿနာဆိုင်ရာ နိုင်ငံတကာဆက်သွယ်ရေးအဖွဲ့ ထုတ်ပြန်သော ကြေညာချက်ကို လက်မခံကြောင်း၊ သမ္မတ ရွေးကောက်ပွဲကို ပြန်လည်ကျင်းပရန် ဦးစားပေး စဉ်းစားမည် မဟုတ်ကြောင်း ယခုလ ၈ ရက်နေ့က ပြောကြားပြီး အမေရိကန်နိုင်ငံအနေနှင့် ဗင်နီဇွဲလားနိုင်ငံအား ငွေကြေးပိတ်ဆို့မှုနှင့် အရေးယူမှုများကို အမြန်ဆုံး ဖျက်သိမ်းရန် ပန်ကြားကြောင်း ဆင်ဟွာသတင်းအရ သိရပါသည်။

        ယခုလ ၇ ရက်နေ့က ဗင်နီဇွဲလားပြဿနာဆိုင်ရာ နိုင်ငံတကာဆက်သွယ်ရေးအဖွဲ့ အစည်းအဝေးကို ဥရုဂွေးနိုင်ငံ၌ ကျင်းပခဲ့ရာ လက်တင်အမေရိကနှင့် ဥရောပသမဂ္ဂမှ နိုင်ငံ ၁၀ နိုင်ကျော်တို့သည် ယင်းအစည်းအဝေးသို့ တက်ရောက်ပြီး ကြေညာချက် ထုတ်ပြန်ခဲ့ရာ ဗင်နီဇွဲလားပြဿနာကို ငြိမ်းချမ်းရေးနည်းလမ်းဖြင့် ဖြေရှင်းရန် ပန်ကြားပြီး ဗင်နီဇွဲလားနိုင်ငံ၌ သမ္မတ ရွေးကောက်ပွဲကို အမြန်ဆုံး ကျင်းပရန် တောင်းဆိုခဲ့ကြောင်း သတင်းအရ သိရပါသည်။

   Webradio