• ဆက်သွယ်ရန်•  မြန်မာဘာသာဌာနအကြောင်း
   

WTOမူနှင့် ကိုက်ညီသော ဒေသတွင်း လွတ်လပ်သော ကုန်သွယ်မှုဆိုင်ရာ အစီအစဉ်ကို တရုတ်ထောက်ခံ

(GMT+08:00) 2019-01-11 15:39:45

        မကြာခင်ရက်များက ဘက်စုံတိုးတက်သော ပစိဖိတ်သမုဒ္ဒရာကျော် မိတ်ဘက်ဆက်ဆံမှု သဘောတူစာချုပ် (CPTPP)ကို တရားဝင် အာဏာတည်ခဲ့သည်။ တရုတ်ကုန်သွယ်ရေးဝန်ကြီးဌာနမှ ပြောရေးဆိုခွင့်ရှိသူ ကောဖုန်းက စီးပွားရေး ဂလိုဘယ်လိုက်ဇေးရှင်း ရေစီးကြောင်းသည် ပြောင်းလဲဖွယ်ရာ မရှိကြောင်း၊ တရုတ်ပြည်ဘက်သည် နိုင်ငံစုံ ကုန်သွယ်ရေးစနစ်ကို ပြတ်သားစွာ ထိန်သိမ်း ကာကွယ်သည့် တစ်ချိန်တည်းတွင် ကမ္ဘာ့ကုန်သွယ်ရေးအဖွဲ့မူနှင့် ကိုက်ညီသော ဒေသတွင်း လွတ်လပ်သော ကုန်သွယ်မှုဆိုင်ရာ အစီအစဉ်ကို ထောက်ခံကြောင်း ယခုလ ၁၀ ရက်နေ့က ပြောကြားခဲ့သည်ဟု ဆင်ဟွာသတင်းအရ သိရပါသည်။

        နိုင်ငံ ၁၁ နိုင်ငံ ချုပ်ဆိုခဲ့သည့် CPTPPကို ၂၀၁၈ခုနှစ် ဒီဇင်ဘာလ ၃၀ ရက်နေ့က တရားဝင် အာဏာတည်ခဲ့ကြောင်း၊ အမေရိကန်နိုင်ငံ TPP မှ နုတ်ထွက်ပြီးနောက် TPP စေ့စပ်ဆွေးနွေးပွဲသို့ ပါဝင်သော အခြားနိုင်ငံများသည် မူလ သဘောတူစာချုပ်ကို ပြင်ဆင်ပြီးနောက် CPTPPကို ရေးဆွဲခဲ့သည်ဖြစ်ကြောင်း၊ CPTPP တွင် ပါဝင်သော နိုင်ငံများ၏ လူဦးရေမှာ စုစုပေါင်း ၁၉၈ သန်း ရှိပြီး GDP ပမာဏသည် ကမ္ဘာ့စီးပွားရေး စုစုပေါင်းပမာဏ၏ ၁၃ ရာခိုင်နှုန်းရှိကြောင်း သတင်းအရ သိရပါသည်။

   Webradio