တရုတ်နိုင်ငံတော် ဥက္ကဋ္ဌ ရှီကျင့်ဖိန်သည် ဒေသစံတော်ချိန် ယခုလ ၄ ရက်နေ့က ပေါ်တူကီ သမ္မတ တေစော်ဇာနှင့် တွေ့ဆုံဆွေးနွေးပွဲ ပြုလုပ်ခဲ့သည်။ နှစ်နိုင်ငံ ထိပ်သီး ခေါင်းဆောင်တို့က၊ တရုတ်-ပေါ်တူကီ သံတမန်ဆက်ဆံရေး ထားရှိခဲ့သည့် ၄၀ ပြည့်မြောက်နှစ်ကို သမိုင်း၏ အစပြိုးရာအဖြစ် ထားပြီး၊ နှစ်ဖက် အကြား ချစ်ကြည်ရေး ပူးပေါင်းဆောင်ရွက်မှုကို အဆက်မပြတ် တွန်းအားပေးရန်နှင့် နှစ်ဖက် ဆက်ဆံမှု တိုးတက်ရေးဆိုင်ရာ အခန်းကဏ္ဍသစ် ဖွင့်လှစ်ရန် တညီတညွတ်တည်း သဘောတူခဲ့ကြပါသည်။

ထိုသို့ တွေ့ဆုံရာတွင် ဥက္ကဋ္ဌ ရှီကျင့်ဖိန်က၊ တရုတ်နှင့် ပေါ်တူကီတို့ အနေနှင့် နိုင်ငံရေး အပြန်အလှန် ယုံကြည်မှု ပိုမို နက်ရှိုင်းလာအောင်၊ နှစ်နိုင်ငံ ချစ်ကြည်ရေး၏ နိုင်ငံရေး အခြေခံ ပိုမို ခိုင်မာအောင် ကြိုးပမ်းဆောင်ရွက်ရမည် ဖြစ်ကြောင်း ပြောကြားပါသည်။

တွေ့ဆုံဆွေးနွေးပွဲ အပြီး ပူးတွဲ သတင်းစာ ရှင်းလင်းပွဲတွင်၊ ရှီကျင့်ဖိန်က၊ နှစ်ဖက်တို့သည် အဆင့်မြင့် ခေါင်းဆောင်များအကြား ကူးလူးဆက်ဆံမှုကို ထိန်းသိမ်းသွားမည် ဖြစ်ပြီး၊ အစိုးရဌာနများ၊ ဥပဒေပြုရေးဌာနများနှင့် ပါတီ ရေးရာ နယ်ပယ်များမှ ကူးလူးဖလှယ်မှုကို တိုးမြှင့်သွားမည် ဖြစ်ကြောင်း၊ နှစ်ဖက်တို့သည် အရေးကြီး ရေးရာများ၌ ဆက်လက် အပြန်အလှန် နားလည်ပြီး အပြန်အလှန် အားပေး ထောက်ခံသွားမည် ဖြစ်ကြောင်း ပြောကြားပါသည်။

ပေါ်တူကီ သမ္မတ တေစော်ဇာကလည်း၊ ပေါ်တူကီနိုင်ငံသည် စီးပွါးကုန်သွယ်ရေး၊ ငွေရေးကြေးရေး၊ လူမှုရေးနှင့် ယဉ်ကျေးမှု စသည့်နယ်ပယ်များတွင် တရုတ်ပြည်နှင့် ကူးလူးဖလှယ်ရန်နှင့် ပူးပေါင်းဆောင်ရွက်ရန် မျှော်လင့်ကြောင်း၊ နှစ်ဖက်တို့သည် နိုင်ငံစုံဝါဒနှင့် လွတ်လပ်စွာ ကုန်သွယ်ရေးကို လက်တွဲ ထိန်းသိမ်းကာကွယ်သွားမည် ဖြစ်ကြောင်း ပြောကြားပါသည်။ (ကျော့)