နိုဝင်ဘာ ၁၀ ရက်နေ့က ပထမအကြိမ်တရုတ်နိုင်ငံတကာသွင်းကုန်ပြပွဲသည် ရှန်ဟိုင်းမြို့၌ ကျင်းပပြီးစီးခဲ့သည်။ ၆ ရက်ကြာအချိန်အတွင်း နိုင်ငံ၊ ဒေသနှင့် နိုင်ငံတကာ အဖွဲ့အစည်း ၁၇၂ ခုတို့သည် ပြပွဲသို့ ပါဝင်ပြီး လုပ်ငန်းကုမ္ပဏီ ၃၆၀၀ ကျော် ပါဝင်ပြသ ကာ ပြည်တွင်းပြည်ပကုန်သည် ၄သိန်းကျော်တို့သည် ပြပွဲသို့ လာရောက်ဆွေး နွေး၍ စုစုပေါင်း အမေရိကန်ဒေါ်လာ ၅၇.၈၃ ဘီလီယံတန်ဖိုးရှိစာချုပ်ချုပ်ဆိုဖို့ရည်ရွယ်ချက်ရှိကြောင်း၊ ယင်းစီးပွားကုန်သွယ်ရေးအကျိုးရလဒ် သည် ကမ္ဘာ့စီးပွားကုန်သွယ်ရေးသမိုင်းကြောင်းတွင် တွေ့ခဲပြီး နိုင်ငံအသီးသီးမှ ကုန်သည်များသည် လာမည့်နှစ်တွင် ထပ်မံပြသရန်လာရောက်ကြဦးမည်လို့ပြောကြားကြောင်း စီအာအိုင်သတင်းအရသိရသည်။
သွင်းကုန်ပြပွဲကို တရုတ်နိုင်ငံတော်ဥက္ကဋ္ဌရှီကျင့်ဖိန်က ၂၀၁၇ခုနှစ် Belt & Road နိုင်ငံတကာပူးပေါင်းဆောင်ရွက်ရေးထိပ်သီးဖိုရမ်၌ ကျင်းပရန် ကြေညာခဲ့ခြင်းဖြစ်ပြီး
တရုတ်နိုင်ငံ နောက်တစ်ကြိမ် အဆင့်မြင့်တံခါးဖွင့်ပြုပြင်ပြောင်းလဲရေးကို တွန်းအားပေးရန် ဆောင်ရွက်သော အရေးကြီးမူဝါဒဖြစ်ကာ တရုတ်နိုင်ငံက ကမ္ဘာအား ဈေးကွက် ဖွင့်လှစ် သည့် အရေးကြီးဆောင်ရွက်ချက်ဖြစ်သည်။၎င်းမှ အကျိုးသက်ရောက်မှု၃ ခုသည် ကမ္ဘာ
ကြီးအတွက် ရေရှည်အကျိုးခံစားနိုင်မည်ဖြစ်သည်။
ပထမအချက်က သွင်းကုန်ပြပွဲသည် တံခါးဖွင့်ရေးကို တိုးမြှင့်ပြီး ကုန်သွယ်ရေးလွတ်လပ်မှုနှင့် ကမ္ဘာ့စီးပွားရေးဖွံ့ဖြိုးတိုးတက်မှုအတွက် အကျိုးရှိသည်။ ဒုတိယအချက်က သွင်းကုန်ပြပွဲသည် သဘောတူညီချက်များကို စုစည်းပြီး တစ်ကမ္ဘာလုံး အရေးကြီးသော စီးပွားကုန်သွယ်ရေးပြဿနာနှင့်ပတ်သက်ပြီး သဘောတူညီချက်ရရှိရန် တွန်းအားပေးသည်။ပိုအရေးကြီးသောအချက်ကတော့ သွင်းကုန်ပြပွဲသည် အတူညှိနှိုင်းဆွေးနွေး၊ အတူတည် ထောင်၊ အတူမျှဝေခံစားသော သဘောတရားကို ပေါ်လွင်စေသည်။
စီမံချက်အရ သွင်းကုန်ပြပွဲကို နှစ်စဉ်ကျင်းပမည်ဖြစ်သည်။ လက်ရှိအချိန်တွင် လုပ်ငန်းကုမ္ပဏီ ၂၀၀ ကျော်တို့သည် ဒုတိယအကြိမ်သွင်းကုန်ပြပွဲသို့ ပါဝင်ရန် စာချုပ်ချုပ်ဆိုပြီးဖြစ်သည်။လာမည့်၁၅ နှစ်အတွင်း တရုတ်နိုင်ငံသည် ကုန်ပစ္စည်းနှင့် ဝန်ဆောင်မှု
တင်သွင်းမှုမှာ အမေရိကန်ဒေါ်လာ ဘီလီယံ ၃၀၀၀၀နှင့် ဘီလီယံ ၁၀၀၀၀ ရှိရန်
ခန့်မှန်းရကြောင်း သိရသည်။
