ဒေသ စံတော်ချိန် ယခုလ ၂၃ရက်နေ့က ရုရှား သမ္မတ ပူတင်သည် အလည်အပတ် ရောက်ရှိနေသော အမေရိကန် သမ္မတ၏ နိုင်ငံတော် လုံခြုံရေး ရေးရာ လက်ထောက် ဘိုလ်တွန်နှင့် တွေ့ဆုံနှုတ်ဆက်ခဲ့ကြောင်း၊ IRBMမှ အမေရိကန် နှုတ်ထွက်မည်ဟု သမ္မတ ထရန့်က ကြေညာခဲ့သည့် အခြေအနေမျိုးတွင် ယင်းတွေ့ဆုံဆွေးနွေးပွဲကို ကျင်းပ ခြင်းဖြစ်ကြောင်း၊ နှစ်ဖက် တွေ့ဆုံဆွေးနွေးပွဲ အပြီးတွင် သမ္မတ ပူတင်သည် ၄င်းစာချုပ်ကို ရုရှားမှ လိုက်နာဆောင်ရွက်ခြင်းမရှိကြောင်း ဟူသော အမေရိကန်မှ ပြစ်တင်ရှုတ်ချချက် အပေါ် ဝေဖန်ခဲ့ကြောင်း၊ ဘိုလ်တွန်ကတော့ မိမိသည် သံလွင်ခက် မပါလာဟု ပြောကြား ကြောင်း၊ နှစ်ဖက်တို့သည် မိနစ်၉၀ကြာ တွေ့ဆုံ ဆွေးနွေးပွဲတွင် IRBMနှင့် ပတ်သက်၍ သဘောတူညီမှု မရရှိကြောင်း စီအာအိုင် သတင်းအရ သိရသည်။
IRBMသည် "ဆိုဗီယက်နှင့် အမေရိကန် နှစ်နိုင်ငံတို့၏ တာလတ်နှင့် တာတိုပစ် ဒုံးကျည် ပပျောက်စေရေး သဘောတူ စာချုပ်" ဖြစ်ပြီး နှစ်နိုင်ငံတို့ ၁၉၈၇ခုနှစ် ဒီဇင်ဘာလ ၈ရက်နေ့က ချုပ်ဆိုခြင်း ဖြစ်ကြောင်း၊ ၄င်းစာချုပ်အရ နှစ်နိုင်ငံသည် ပစ်ခတ်မှု အကွာအဝေး မှာ ကီလိုမီတာ ၅၀၀မှ ၅၅၀၀အကြား ရှိသော မြေပြင် ခရုစ်ဒုံးကျည်နှင့် ဒုံးခွင်းဒုံးကျည်များ ပိုင်ဆိုင်မှု၊ ထုတ်လုပ်မှုနှင့် စမ်းသပ်ပစ်ခတ်မှုကို မပြုတော့ကြောင်း၊ ၁၉၉၁ခုနှစ် မေလက ၄င်းသဘောတူ စာချုပ်ကို စတင် ဘက်စုံ ဖော်ဆောင်ကျင့်သုံးခဲ့ကြောင်း၊ ထို့ကြောင့် ၄င်းစာချုပ်ကို စစ်အေးကာလတွင် ဖော်ဆောင်ကျင့်သုံးမှု အကောင်းဆုံးသော လက်နက် ထိန်းချုပ်ရေး စာချုပ် ဖြစ်သည်ဟု အများက ယူဆကြကြောင်း၊ ၄င်းစာချုပ်သည် အချိန် ကန့်သတ်မှု မရှိသောကြောင့် စာချုပ်ပါ နှစ်ဖက်စလုံးသည် ယုံကြည်စေနိုင်သော အထောက်အထားကို ပေးနိုင်သည့် အခြေအနေမျိုးတွင် ၄င်းသဘောတူစာချုပ်မှ နှုတ်ထွက် ခွင့်ရှိကြောင်း၊ ဘိုလ်တွန် ယခုအကြိမ် ရုရှား ခရီးစဉ်၏ ရည်ရွယ်ချက်မှာ အမေရိကန် အနေနှင့် ၄င်းစာချုပ်မှ နှုတ်ထွက်သည့် အကြောင်းရင်းကို ရုရှားဘက်အား ရှင်းလင်း ဖော်ပြရန်ပင် ဖြစ်ကြောင်း စီအာအိုင် သတင်းအရ သိရသည်။
အမေရိကန် အနေနှင့် IRBMမှ နှုတ်ထွက်သည့် အကြောင်းရင်းမှာ "အမေရိကန်အား ဦးစားပေးရေး" မဟာဗျူဟာကို အကောင်အထည်ဖော်ရန် ဖြစ်မြဲဖြစ်နေသေးကြောင်း စီအာအိုင်က ဖော်ပြသည်။
ပထမအချက် အဓိက ရည်ရွယ်ချက်မှာ အမေရိကန် တပ်မတော်ကို ပြန်လည် ရှင်သန်လာစေရန်နှင့် လက်နက်များကို ဖွံ့ဖြိုးတိုးတက်စေရန် ဖြစ်ကြောင်း၊ ဒုတိယ အချက်ကတော့ သဘောတူ စာချုပ်များပါ ကန့်သတ်ချက်များကို အဆက်မပြတ် ကျော်ဖြတ်ခြင်းဖြင့် အမေရိကန်၏ စစ်ရေး စက်မှုထုတ်လုပ်မှု လုပ်ငန်းကို တစ်ဆင့်တိုးချဲ့ရန် ဖြစ်ကြောင်း၊ တတိယအချက်က ဆော်ဒီအာရေဗျ သတင်းထောက် ခါရှိုဂီ သတ်ဖြတ်မှု ခံရခြင်း အရေးအခင်း အပေါ် လက်ရှိအချိန်တွင် အမေရိကန် ပြည်တွင်းမှ အာရုံစူးစိုက်မှုကို အာရုံပြောင်းပေးရန် ဖြစ်ကြောင်း၊ စတုတ္ထ အချက် ကတော့ အမေရိကန် လွှတ်တော် ကာလလယ် ရွေးကောက်ပွဲတွင် လက်နက်ကုန်သည်များ၊ သဘောထား တင်းမာသည့် အုပ်စုနှင့် ကွန်ဆာဗေးဒစ် အုပ်စုများမှ အားပေးထောက်ခံမှုများ ရရှိရန် ဖြစ်ကြောင်း စီအာအိုင်က ဖော်ပြသည်။
IRBMမှ အမေရိကန် နှုတ်ထွက်ပါက ကမ္ဘာ့ ငြိမ်းချမ်းရေး အတွက် အကျပ်အတည်း ၃ခု ဖြစ်စေမည် ဖြစ်ကြောင်း၊ ပထမအချက်က အမေရိကန်မှ တာလတ်ဒုံးကျည် နည်းပညာကို သုတေသန ဖော်ထုတ်လျှင် တစ်ကမ္ဘာလုံးတွင် လက်နက်၏ တစ်ဆင့်တိုး ဖွံ့ဖြိုးတိုးတက်မှု ကို တွန်းအားပေးပြီး လက်နက် ယှဉ်ပြိုင်မှုကို အရှိန်မြှင့်ကာ ကမ္ဘာ့ ငြိမ်းချမ်းရေး အပေါ် လောင်းရိပ်ကျမိမည် ဖြစ်ကြောင်း၊ ဒုတိယ အချက်ကတော့ ကောင်းမွန်သည့် ပထဝီ အနေအထား ရှိခြင်းကြောင့် အမေရိကန်သည် ကာကွယ်ရေး အတွက် ၄င်း၏နယ်မြေတွင် တာလတ်ဒုံးကျည် ချထားရန် မလိုကြောင်း၊ ယင်းသည် အမေရိကန် အနေနှင့် ပိုမိုများပြားသော တာလတ်ဒုံးကျည်များအား ၄င်း၏ မဟာမိတ်နိုင်ငံများနှင့် မိတ်ဖက်နိုင်ငံ များတွင် ချထားမည့် သဘောကို ဆောင်ကြောင်း၊ ဒေသ အသီးသီးတွင် အခြေအနေများကို ပိုမိုရှုပ်ထွေးစေပြီး ဒေသတွင်း အချင်းပွားမှု ဖြစ်တည်ခြင်းနှင့် ဖြစ်ပွားခြင်းကို အရှိန်မြှင့်မည် ဖြစ်ကြောင်း၊ တတိယ အချက်က IRBMမှ အမေရိကန် နှုတ်ထွက်ပါက နိုင်ငံတကာ သဘောတူ စာချုပ်များ၏ တရားဝင်မှုနှင့် ဂုဏ်အာဏာကို များစွာ ဖျက်ဆီးမည် ဖြစ်ကြောင်း စီအာအိုင်က ဖော်ပြသည်။
အမေရိကန်သည် ကမ္ဘာ့ ငြိမ်းချမ်းရေး အခြေခံ အုတ်မြစ်ကို ဖျက်ဆီးနေကြောင်း၊ အမေရိကန်၏ လုပ်ရပ် အပေါ် နိုင်ငံတကာ မိသားစုကြီးသည် ကျယ်ပြန့်စွာ ဆန့်ကျင် ကြကြောင်း၊ ထရန့်နှင့် ပူတင်တို့သည် နိုဝင်ဘာလ ၁၁ရက်နေ့တွင် ပါရီမြို့တွင် တွေ့ဆုံ ဆွေးနွေးမည် ဖြစ်ပြီး IRBMပြဿနာနှင့် ပတ်သက်၍ တစ်ဆင့်တိုး ဆောင်ရွက်ချက် ရှိနိုင်ဖွယ်ရာ ရှိသည်ဟု သက်ဆိုင်ရာ သတင်းအရ သိရကြောင်း၊ ထိုအချိန်ကျလျှင် အမေရိကန်သည် ကမ္ဘာကို စိတ်မပျက်စေရန် မျှော်လင့်ကြောင်း စီအာအိုင်က ဖော်ပြသည်။
