တရုတ်နိုင်ငံတော်ဥက္ကဋ္ဌရှီကျင့်ဖိန်သည်၊ ယခုလ ၁၁ ရက်နေ့က Vladivostok ၌ ရုရှား နိုင်ငံသမ္မတ ပူတင်နှင့် တွေ့ဆုံဆွေးနွေးခဲ့သည်။ ၂ နိုင်ငံ ခေါင်းဆောင်တို့အနေနှင့်၊ ယခုနှစ် အတွင်း တရုတ်-ရုရှားဆက်ဆံမှုသည်၊ ပိုမိုတက်ကြွစွာတိုးတက်လာပြီး၊ ပိုမိုမြင့်မားသော အဆင့်အတန်းနှင့် ပိုမိုလျင်မြန်စွာ ဖွံ့ဖြိုးသော အချိန်ကာလသစ်သို့ ဝင်ရောက်လာပြီဟု မှတ်ယူကြကြောင်း၊ နိုင်ငံတကာအခြေအနေမည်သို့ ပြောင်းလဲစေကာမူ၊ တရုတ်နှင့် ရုရှား တို့သည်၊ ၂ နိုင်ငံဆက်ဆံမှုကို ကောင်းမွန်စွာ ဖွံ့ဖြိုးတိုးတက်စေပြီး၊ ကမ္ဘာ့ငြိမ်းချမ်း တည်ငြိမ်မှုကို ခိုင်မြဲစွာ ထိန်းသိမ်းကာကွယ်သွားမည်ဟု နှစ်ဦးနှစ်ဖက်တို့က သဘောတူကြကြောင်း စီအာအိုင်က ဖော်ပြသည်။
ရှီကျင့်ဖိန်သည်၊ ၁၁ ရက်နေ့ ညနေပိုင်းက Vladivostok သို့ရောက်ရှိပြီးနောက်၊ ပထမဦးဆုံးအနေဖြင့် ပူတင်နှင့် တွေ့ဆုံခြင်းဖြစ်သည်။ ယင်းသည်၊ ယခုနှစ်အတွင်း ရှီကျင့်ဖိန်နှင့် ပူတင်တို့၏ တတိယအကြိမ်တွေ့ဆုံခြင်းဖြစ်ရုံသာမက၊ ၂၀၁၃ခုနှစ်မှစ၍ နှစ်ဦး နှစ်ဖက်တို့၏ ၂၆ ကြိမ်မြောက် တွေ့ဆုံခြင်းလည်းဖြစ်သည်။
ထိုသို့တွေ့ဆုံဆွေးနွေးခဲ့ရာ၌ ရှီကျင့်ဖိန်က အကြီးစားလှုပ်ရှားမှုကျင်းပဖို့ ၂ နိုင်ငံတို့ အပြန်အလှန်ထောက်ခံအားပေးခြင်းသည်၊ တရုတ်၊ ရုရှား ၂ နိုင်ငံတို့၏ အစဉ်အလာ ကောင်းဖြစ်ကြောင်း၊ ယခုအကြိမ် အရှေ့တိုင်းစီးပွားရေးဖိုရမ်သည်၊ ဒေသဆိုင်ရာ ပူးပေါင်း ဆောင်ရွက်မှု နက်ရှိုင်းစေရေးအတွက် အခွင့်ကောင်းဖန်တီးပေးမည်ဟု ယုံကြည်ပါ ကြောင်း ပြောကြားခဲ့သည်။
ခေါင်းဆောင်နှစ်ဦးတို့သည်၊ အတူတကွအရေးထားကြသည့် နိုင်ငံတကာနှင့် ဒေသ ဆိုင်ရာ ပြဿနာများနှင့် စပ်လျဉ်း၍ အမြင်ချင်းဖလှယ်ခဲ့ကြသည်ဟု သတင်းအရသိရ သည်။
