၂၀၁၇ခုနှစ် လန်ချန်-မဲခေါင်မြစ် နိုင်ငံတော် စီးပွားရေး နည်းပညာ ပြပွဲကို ယခုလ ၁၃ရက်နေ့က လန်ချန်-မဲခေါင်မြစ် ပူးပေါင်းဆောင်ရွက်ရေး အဖွဲ့ အလှည့်ကျ သဘာပတိ ကမ္ဘောဒီးယား နိုင်ငံ ဖနွမ်းပင်မြို့တော်တွင် ဖွင့်လှစ်ခဲ့ကြောင်း စီအာအိုင် သတင်းအရ သိရသည်။
ကမ္ဘောဒီးယား နိုင်ငံ ဆိုင်ရာ တရုတ် ယာယီ သံအမတ်ကြီး ထန်ချင်ရှင်း၊ ကမ္ဘောဒီးယား နိုင်ငံ ကုန်သွယ်ရေး ဝန်ကြီးဌာန နိုင်ငံတော် အတွင်းဝန် ချွန်ဒါရာ၊ တရုတ် နိုင်ငံတကာ ကုန်သွယ်မှု တိုးမြှင့်ရေး ကော်မတီ ဒုဥက္ကဋ္ဌ ကျန်းဝေ၊ ကမ္ဘောဒီးယား၊ လာအို၊ ထိုင်းနှင့် ဗီယက်နမ် စသည့် နိုင်ငံများမှ စက်မှု ကုန်သွယ်ရေး အသင်းများမှ ခေါင်းဆောင်များနှင့် လန်ချန်-မဲခေါင်မြစ် ပူးပေါင်းဆောင်ရွက်ရေး အဖွဲ့ဝင် နိုင်ငံများမှ လုပ်ငန်းရှင်များသည် ဖွင့်ပွဲ အခမ်းအနားသို့ တက်ရောက်ခဲ့ကြကြောင်း သိရသည်။
ထန်ချင်ရှင်းက ယခုအကြိမ် ပြပွဲ ကျင်းပသည့် ရည်ရွယ်ချက်မှာ ဒုတိယ အကြိမ် လန်ချန်-မဲခေါင်မြစ် ပူးပေါင်းဆောင်ရွက်ရေး အဖွဲ့ နိုင်ငံခြားရေး ဝန်ကြီးများ အစည်းအဝေးမှ ရရှိခဲ့သော အရေးကြီး သဘောတူညီမှုများကို လက်တွေ့ဖော်ဆောင်ရန်၊ ၂၀၁၈ခုနှစ်တွင် ကမ္ဘောဒီးယား နိုင်ငံ၌ ကျင်းပမည့် လန်ချန်-မဲခေါင်မြစ် ပူးပေါင်းဆောင်ရွက်ရေး အဖွဲ့ဝင် နိုင်ငံများမှ ထိပ်သီးခေါင်းဆောင်များ အစည်းအဝေး အတွက် ပြင်ဆင်ရန် ဖြစ်ကြောင်း၊ ယင်းသည် လန်ချန်-မဲခေါင်မြစ် ပူးပေါင်းဆောင်ရွက်ရေး အဖွဲ့ဝင် နိုင်ငံများ အကြား စီးပွားကုန်သွယ်ရေး ကူးလူးဖလှယ်မှု နက်ရှိုင်းစေရေးနှင့် နိုင်ငံ အသီးသီး အကြား လက်တွေ့ကျသော ပူးပေါင်းဆောင်ရွက်မှု တွန်းအားပေးရေး အတွက် အရေးကြီးသည့် အနက်အဓိပ္ပါယ် ရှိကြောင်း ပြောကြားသည်။
