• ဆက်သွယ်ရန်•  မြန်မာဘာသာဌာနအကြောင်း
   

မြန်မာ ခရီးသွား ပတ်ဝန်းကျင် ကောင်းမွန်အောင် ဆောင်ရွက်ရန် တရုတ် တိုက်တွန်း

(GMT+08:00) 2017-03-03 09:43:16

ပထမ အကြိမ် တရုတ်-မြန်မာ ခရီးသွားလုပ်ငန်း ပူးပေါင်းဆောင်ရွက်ရေး ဖိုရမ်ကို မကြာမီက မြန်မာနိုင်ငံ နေပြည်တော်၌ ကျင်းပခဲ့ရာ တရုတ်နှင့် မြန်မာနိုင်ငံမှ ခရီးသွား ဌာနများသည် မိတ်ဆက်ပွဲနှင့် တိုင်ပင်ဆွေးနွေးပွဲများကို ပြုလုပ်ခဲ့ကြောင်း၊ တရုတ်ပြည်ဘက်သည် မြန်မာအစိုးရ အနေနှင့် ပိုမို များပြားသော တရုတ် ခရီးသည်များ အပါအဝင် ကမ္ဘာလှည့် ခရီးသည်များကို ဆွဲဆောင်နိုင်ဖို့ ခရီးသွားနှင့် လူမှုရေး ပတ်ဝန်းကျင် ပိုမို ကောင်းမွန်လာအောင် ဆောင်ရွက်ရန် တိုက်တွန်းခဲ့ကြောင်း စီအာအိုင် သတင်းအရ သိရပါသည်။

မြန်မာနိုင်ငံသည် ၂၀၁၁ ခုနှစ်ကစပြီး တံခါးဖွင့်ခဲ့သည့် နောက်ပိုင်း မြန်မာပြည်ရောက် ကမ္ဘာလှည့် ခရီးသည်ဦးရေ အဆက်မပြတ် တိုးများလာကြောင်း၊ အစိုးရဘက်မှ စာရင်းအရ နိုင်ငံခြား ခရီးသည် ဦးရေမှာ ၂၀၁၀ ပြည့်နှစ်က ၈ သိန်း ရှိကာမှနေ ၂၀၁၅ ခုနှစ်က ၄၆ သိန်းအထိ တိုးများလာကြောင်း သိရပါသည်။

ပထမအကြိမ် တရုတ်-မြန်မာ ခရီးသွား ပူးပေါင်းဆောင်ရွက်ရေး ဖိုရမ်တွင် မြန်မာနိုင်ငံ ဆိုင်ရာ တရုတ် သံအမတ်ကြီး ဟုန်လျန့်က၊ သက်ဆိုင်ရာဌာနများ အနေနှင့် တရုတ်-မြန်မာ ခရီးသွားလုပ်ငန်းအပေါ် အဟန့်အတားများကို အမြန်ဆုံး ဖယ်ရှားရှင်းလင်းပေးရန် ပန်ကြားခဲ့ပါသည်။ ဟုန်လျန့်က၊ နှစ်ဖက်တို့သည် နှစ်နိုင်ငံ ပြည်သူများ ပြည်ဝင်ပြည်ထွက် ပိုမို အဆင်ပြေအောင် ဆောင်ရွက်ပေးရမည် ဖြစ်ကြောင်း၊ မြန်မာပြည်ဘက် အနေနှင့် နိုင်ငံခြား ရင်းနှီးမြှုပ်နှံသူများအတွက် ခရီးသွားလုပ်ငန်း တံခါးကို တဆင့်တိုး ဖွင့်ပေးနိုင်ရန်၊ သက်ဆိုင်ရာ ဥပဒေ စနစ်များ ပိုမို ပြည့်စုံကောင်းမွန်လာအောင် ဆောင်ရွက်ပေးရန် မျှော်လင့်ပါကြောင်း ပြောကြားခဲ့ပါသည်။

   Webradio